RUE DU LIBAN

山林道呢间餐厅装修超吸晴，外墙系好美嘅贵族蓝色，墙身吊住颜色柔和嘅干花同绿色嘅叶，好童话故事feel。里面天花板又系挂住同色系干花，装修好靓。成餐饭见到入嚟嘅主要系女士，得一两枱系男士同另一伴嚟，明显都系d 打卡 and for 女士聚会嘅餐厅。餐厅咁异国风情其实系食黎巴嫩菜，全部侍应都系外国人。今日嚟系lunchtime，得一个semi buffet menu $358 (openrice book 有8折)。Buffet 主要系有沙律吧，主要系配唔同嘅sauce：鹰嘴豆蓉、羊奶酪等。另外有烤肉类同埋即煮嘅pasta。坦白讲，sauce 真系唔太识分有咩唔同，净系识分辣同唔辣😅。至于烤肉，个人觉得中东菜d肉都系咁，烤到d 肉干争争同鞋烚烚。最impressive 系个pasta, 自己拣粉同酱汁，热辣辣。甜品有rice pudding，清清甜甜，好食㖞！主菜BEEF SHAWARMA饭配上烤牛肉，牛肉同buffet 果d差唔多。MOUSSAKA (VEG)卖相都几精致，素菜嚟。用咗青椒、菇、茄子、蕃茄叠成几层，配埋个蕃茄酱，然后又觉得同buffet 煮pasta 个sauce 一样。