大漠 (已結業)

食过呢间餐厅好多次，不过都冇特别去影相，所以就费事写食评。同同事出去食lunch，周围都系人，好似今日一次过出哂黎食饭甘。大漠通常都有位，但吾代表佢吾好食，反而我觉得系因为以羊为主打既蒙古餐厅比较少人接受到。我同同事都认为佢款式少左啲，但水准吾错，有时菜式会有惊喜。我叫左炸鸡翼拉面，可能天气湿热，想食啲有汤水既嘢。先黎前菜，系由羊奶煮成既汤。平时食系加左啲口感烟韧既白色块状物体(到而家都吾知系咩黎),食落咸咸地，有啲羊奶味，好特别。而今日佢将啲块状炸过，食落多左份酥脆，但本人都系嫌有啲干同油腻。佢仲加左面条系汤度，食完已经有三成饱。主菜黎到，睇外表已经好吸引！佢份量几多，四只鸡翼都系肉质饱满，调味恰到好处，好好味。最令我感受到蒙古风味既梗系佢个羊肉汤底，吾会太食到骚味 。面俾左好多蔬菜，感觉好健康。面就系幼身白面，食落吾易断，但面身淋，易入口。最钟意就系个羊奶布丁，一点都吾骚，仲好香！甜度岩岩，吾会太甜。甜品系跟餐送，所以真系抵到烂！