影片
更多
2015-08-03
232 浏览
又系小新写食评既时间啦，最近小新多左野要做，返工个阵成日都偷唔到时间打食评，所以爱丽丝就成日帮手写啲食评。见到佢咁多野搞，都肯抽时间写，记录我地既一点一滴，真系好开心同幸福架 星期六既时间，我地就去左上环个边行街啦。爱丽丝系个好有艺术细胞既女仔 ，好钟意好有特色门面既小商店。上次上山顶既时候，发现旧区个边有好多好靓设计既铺头仔，所以就趁呢个星期六，有少少微风既日子去上环行下街 。我地行左一阵，都觉得好满足，揾到好得意既商品和铺头，确系不枉此行 行下行下就去到皇后大道西个边，发现原来己经七点几 我地两个己经饿到姑姑声，所以我地就决定见到第一间既餐厅，无论系咩都入去食啦，结果就系呢间啦!! 不过有几好彩wor，门面几靓，价钱亦合理，而且系小新几钟意既印度菜。所以，我地好快就入左去啦。入面有几幅几摩登既印度墙昼 ，播著一系列流行既欧美音乐 ，系一间相对较新兴既印度餐厅。我地入座既时候，冇太多既人，加上座位好宽敞，所以成个氛围十分不错 。到了大约8点既时候，就会开始多人，主要都系外国既客人，令到小新和爱丽丝都以为自己去左外国添!! 另外，就当日所见，有不同
星期六既时间，我地就去左上环个边行街啦。爱丽丝系个好有艺术细胞既女仔 ，好钟意好有特色门面既小商店。上次上山顶既时候，发现旧区个边有好多好靓设计既铺头仔，所以就趁呢个星期六，有少少微风既日子去上环行下街 。我地行左一阵，都觉得好满足，揾到好得意既商品和铺头，确系不枉此行
行下行下就去到皇后大道西个边，发现原来己经七点几 我地两个己经饿到姑姑声，所以我地就决定见到第一间既餐厅，无论系咩都入去食啦，结果就系呢间啦!! 不过有几好彩wor，门面几靓，价钱亦合理，而且系小新几钟意既印度菜。所以，我地好快就入左去啦。
入面有几幅几摩登既印度墙昼 ，播著一系列流行既欧美音乐 ，系一间相对较新兴既印度餐厅。我地入座既时候，冇太多既人，加上座位好宽敞，所以成个氛围十分不错 。到了大约8点既时候，就会开始多人，主要都系外国既客人，令到小新和爱丽丝都以为自己去左外国添!! 另外，就当日所见，有不同种类既客人，有家庭;有情侣;有朋友聚会，可见其客源都几宽架!!
我同爱丽丝冇用太多时间就决定左食一个二人套餐，一黎两个人都好肚饿啦 然后就系佢呢个二人套餐真系比较扺食，$230加埋加一，即系$250 可以食到二个前菜加二个主菜，同两杯野饮，真系相对扺食架!! 所以两个人黎真系正啲架 btw,因为爱丽丝唔想食太辣既野啦，所以我地就谂左好耐食边一样会好啲啦 结果，就问一问靓女待应边样会岩我地食多啲啦。佢真系好好态度，帮我地介绍晒所有野食wor 而且笑容好好，服务一流。
一开始就会上左啲小菜先啦，就系一啲传统印度胡椒饼，同坊间大部分坊间的印度餐厅类近，都系好脆口既。另外，佢会配上二款酱，一个绿绿的薄荷酱，辣辣地，相当醒胃。啡啡地个只烧烤酱，就会有少少果甜味。总体黎讲都系唔差既。
两个前菜好快亦就拎到我地面前啦，我地分别叫左Masala Papad(香辣薄脆)和 Chicken Tikka(串烧五香鸡件)。
个Masala Papad 就系放一啲切粒既香料起个薄饼上一起食既小菜，用料不多，但食落有好清新with微辣既感觉，我就会推介大家可以卷起个饼，一次过食晒入面啲料，相当滋味。而且呢个菜十分开胃，而且份量不多，几适合食量不太大既女生。
呢个Chicken Tikka 就系烤烧既鸡肉，有大约四件，另附上一小旧柠檬。鸡肉外皮烤得略焦，并涂上一啲红色酱料，看起来己经系相当开胃。而鸡肉就相当嫩滑，唔会烤得过老，处理得十分细心。大家可以落少许柠檬于鸡肉外皮上，可以中和微焦既味道，食起来更加吸引。主菜方面，我同爱丽丝分别叫左Mixed Seafood Curry (咖喱海鲜)和Chicken Makhani(牛油蕃茄鸡)
Mixed Seafood Curry呢个菜以铁碗盛起，当中有虾,有鱼柳，种类相当多，而且份量亦好足够。这个菜的咖喱十分香口，有微辣，但绝不会有攻鼻，相当易入口，就算平食不食辣既朋友都可以试一试，一定会有惊喜。唯一可改良既地方系渔鲜味不多，咖哩味盖过了渔鲜味。不过，都系一碟相当好食既菜肴。
Chicken Makhani 则较Mixed Seafood Curry 既份量为少，不过鸡肉照旧系又多又好味，绝对食到人 爱丽丝一向喜欢蕃咖既酱汁，呢个蕃咖既酱汁比较甜，配上饭确是一绝!!另外，二人set dinner 会送饭/Naan ，我地就各叫左一个啦。 上左个桶饭个阵，真系吓左一吓，小新少见多怪，头一次见到用桶装饭，令人留下好深印象。饭系印度饭，饭身较长，而且有少许椰香味，连埋main dish 既汁食，真系无得顶!!
Naan 方面，小新就觉得相当厚身，但是可以keep住软身，配上咖哩汁，更加系更佳组合。所以，我地好快就清晒lu
呢个印度餐厅，食物质素好，唔会太辣，而且环境清静，一大班人黎食得，好似我同爱丽丝咁，小口两子黎食，亦系妥当。所以，我地极力推介呢间餐厅俾喜欢叹印度菜既大家
张贴
