Casablanca Restaurant & Cafe (已結業)

喺九龙区真系好难揾到摩洛哥餐厅，所以每次经过亚士厘道都好想上去一试，终于今日下午一个人跑左上去。虽说摩洛哥餐厅，餐牌上仲有土耳其印度菜式！成间餐厅的装修和布置都好靓好有心思，环境绝对一流，服务态度满意。最重要嘅环节梗系食物水准啦，我点嘅午餐set 系chicken tagine，有一碗豆汤一杯野饮，可跟饭或包。一打开个clay pot 已经知道唔系好正宗，个汁好稀，味道较淡，食落去唔似摩洛哥野，但系都好味嘅，鸡肉好滑。睇差评全部都系外国人都系讲食物唔正宗！餐牌上价钱略贵，期待下次再光临尝试其他菜式。