勝面 (已結業)

今日朗豪坊行街，见到有两间餐厅排晒队，其中一间就系胜面，望一望餐牌，原来系台湾菜，价钱亦唔贵。从餐牌可以感受到餐厅对于多样性嘅重视，例如面条可以选择关庙面、新竹米粉、甚至刀削面，选择丰富，呢点系其他台式餐厅好少见。另外餐厅因应香港口味推出左无骨盐水鸡。我叫咗鲜熬豚骨豚白肉配新竹米粉，猪骨汤呈奶白色，每啖尽是醇浓豚骨香气。新竹米粉雪白透明，而且浸系汤好耐都唔烂，豚白肉肉质厚实，肉味重。整体相当出色。女友叫咗凉拌手撕无骨盐水鸡配刀削面，刀削面煮得比出面较稔，汤底几清淡健康。盐水鸡最令人印象深刻，肉质好嫩，带有微微蒜香，份量亦多。卤肉饭用左珍珠米 ，另外肉燥同时混入瘦肉，所以唔会太腻，但肥肉比例较小，无左入口即化既口感。芝士肉松鸡蛋手工手抓饼饼皮够脆，肉松同蛋既味道较芝士突出。珍珠奶茶甜度啱啱好，珍珠口感弹牙，不过冇乜味道。呢杯白桃乌龙名叫烈日桃桃，茶包浸得愈耐愈好饮。如果大家嚟到旺角又唔想食咁贵，可以试吓呢间胜面，绝对令你喜出望外。