影片
更多
2011-09-24
17 浏览
尖沙咀新兴食街厚福街，听闻开左间点心店，馋嘴嘅我梗系第一时间约埋一班「识食之士」，一行５人浩浩荡荡「踩场」！去到已见「入座率」爆满，可见豪隍点心应该名不虚传！我地正想入内示意五位，这时店员已醒目地走出来跟我们打招呼，并著我们等一阵，好快有位！大约等了５分钟左右，就可以入去开餐啦！（店员都系后生仔女，有礼貌、有笑容又有活力，令客人对食肆加分！）店内装潢简洁时尚，光猛舒服，既冇一般茶楼的笼统土气，所见之处亦冇茶渍和食物残秽，由桌面到座位都干净卫生，唔错唔错！我地一坐低就拎起点心纸点选心水美食啦！（茶芥只系每位$3，可惜只有普洱，如果可以有多Ｄ茶款就更好！）是次「踩场」，我地一共点左十几款美食（当中梗系包括埋「豪隍推介」啦）：招牌虾饺皇、海鲜粒烧卖、豉汁蒸凤爪、豉汁蒸排骨、鲜竹牛肉球、鲍汁鲜竹卷、韭皇明虾肠、姜米鸡包仔、原只马拉糕、鲜菇猪润肠、凤爪排骨饭、鸡丝脆春卷、潮州蒸粉果、古法马蹄糕、脆皮叉烧包、鲜虾腐皮卷、五香咸水角！（最后虽然个马拉糕漏左单，不过都冇减我地嘅「战意」同食欲──因为眼阔肚窄，点左嘅有Ｄ都食唔晒！） 总括黎讲上菜时间快、服务好、点心味道都唔错，当中有几款令我印象深刻同惊
去到已见「入座率」爆满，可见豪隍点心应该名不虚传！我地正想入内示意五位，这时店员已醒目地走出来跟我们打招呼，并著我们等一阵，好快有位！大约等了５分钟左右，就可以入去开餐啦！（店员都系后生仔女，有礼貌、有笑容又有活力，令客人对食肆加分！）
店内装潢简洁时尚，光猛舒服，既冇一般茶楼的笼统土气，所见之处亦冇茶渍和食物残秽，由桌面到座位都干净卫生，唔错唔错！我地一坐低就拎起点心纸点选心水美食啦！（茶芥只系每位$3，可惜只有普洱，如果可以有多Ｄ茶款就更好！）
是次「踩场」，我地一共点左十几款美食（当中梗系包括埋「豪隍推介」啦）：招牌虾饺皇、海鲜粒烧卖、豉汁蒸凤爪、豉汁蒸排骨、鲜竹牛肉球、鲍汁鲜竹卷、韭皇明虾肠、姜米鸡包仔、原只马拉糕、鲜菇猪润肠、凤爪排骨饭、鸡丝脆春卷、潮州蒸粉果、古法马蹄糕、脆皮叉烧包、鲜虾腐皮卷、五香咸水角！（最后虽然个马拉糕漏左单，不过都冇减我地嘅「战意」同食欲──因为眼阔肚窄，点左嘅有Ｄ都食唔晒！）
总括黎讲上菜时间快、服务好、点心味道都唔错，当中有几款令我印象深刻同惊喜，值得特别推介！
脆皮叉烧包：真心讲真系好好食！对比起添好运，豪隍嘅脆皮叉烧包即叫即制，拳头咁大个，上台时仲系暖烘烘的！外皮脆、包身细软、馅料多，酱汁浓厚出色，无论外层的墨西哥皮以及里面嘅叉烧馅料都各有千秋，美轮美奂得来谁也不被谁所盖！简直令人食髓知味，回味无穷！果然系镇店招牌之作！！！
古法马蹄糕：一碟三件，晶莹通透，味道幽雅细腻，而且马蹄粒充满，煎香得来口感柔韧有嚼劲！轻咬一口，口腔即被马蹄香充满（不像坊间那种只吃到一口粉），足料炮制之余，简单的一道甜点已见出师傅的用心！
鸡丝脆春卷：爽脆香口，不太油腻。春卷皮子层层积卷，炸至金黄厚薄适中；以鸡丝作馅清新得来更可令人消去一般炸春卷予人腻滞之感！
凤爪排骨饭：一个平时上茶楼都爱点的「家常便饭」，看似平白无恙，但原来豪隍的凤爪排骨饭却「内有干坤」！ 我想赞的，不是凤爪和排骨的料有几多、饭有几香，而系这饭的豉油！听说豪隍蒸饭的豉油大厨也讲究，现在食到的味道是几经试炼及用心调配出来的心血结晶，怪不得我食落口已感到它的端倪！别看轻这个豉油，因为它可以令成个饭「画龙点睛」；大厨对食物和味道的要求与执著，连这方面也一丝不苟，除左大见真章之外，更令我对这位幕后功臣感到致敬！
张贴
