更多
2024-07-13
3230 浏览
同朋友去咗呢间新开嘅餐厅食中菜,发现呢度系将中式设计和食物嘅当代优雅重新定位!一入门口已经被室内设计吸引,好简单好低调好优雅嘅设计,反而令我有好舒服嘅感觉!枱同枱中间嘅空间好阔,座位亦都好舒服!四周围放置咗好多鲜花摆设同埋盆景,再加上实木嘅中式家私,系一个好嘅配搭!简洁嘅主色调,再加上孔雀蓝点缀!令人觉得好有品味好高雅!再讲食物,小笼包皮薄,里面嘅汤很鲜甜。而陈醋嘅香气跟里面嘅鲜肉系一个绝佳嘅配搭!醉鸽嘅摆盘好精致!花雕酒嘅香气基本上系一上枱已经闻到!而鸽本身亦都好有鸽肉𠮶种独有嘅香气!都系一个唔错嘅选择!而酒糟四宝包括咗毛豆,猪肚,虾同埋鸭舌。每一样嘢都做得好精致,味道亦都好到位!唔会话过咸或者系味道唔够。同醉鸽一样,𠮶个花雕酒嘅香气真系一流!跟住就系萝卜白鲫鱼汤,鱼汤极浓!黑椒味好香!好有饮胡椒猪肚汤嘅感觉!而萝卜丝同埋白鲫鱼佢会帮你喺汤度攞上嚟,作为一个小菜,亦都系鲜甜美味嘅!但系讲到佢招牌嘅扎五花肉,就有一啲逊色了!肉质比较嚡,而猪皮上面嘅猪毛佢只系烧干净,但系忘记咗皮入边仲会有毛发嘅根,所以其实佢应该系用钳掹干净而唔系就咁烧干净就算数,不过个汁系好味嘅。讲到黄鳝,佢有两个选择
一入门口已经被室内设计吸引,好简单好低调好优雅嘅设计,反而令我有好舒服嘅感觉!枱同枱中间嘅空间好阔,座位亦都好舒服!四周围放置咗好多鲜花摆设同埋盆景,再加上实木嘅中式家私,系一个好嘅配搭!简洁嘅主色调,再加上孔雀蓝点缀!令人觉得好有品味好高雅!
再讲食物,小笼包皮薄,里面嘅汤很鲜甜。而陈醋嘅香气跟里面嘅鲜肉系一个绝佳嘅配搭!
醉鸽嘅摆盘好精致!花雕酒嘅香气基本上系一上枱已经闻到!而鸽本身亦都好有鸽肉𠮶种独有嘅香气!都系一个唔错嘅选择!
而酒糟四宝包括咗毛豆,猪肚,虾同埋鸭舌。每一样嘢都做得好精致,味道亦都好到位!唔会话过咸或者系味道唔够。同醉鸽一样,𠮶个花雕酒嘅香气真系一流!
跟住就系萝卜白鲫鱼汤,鱼汤极浓!黑椒味好香!好有饮胡椒猪肚汤嘅感觉!而萝卜丝同埋白鲫鱼佢会帮你喺汤度攞上嚟,作为一个小菜,亦都系鲜甜美味嘅!
但系讲到佢招牌嘅扎五花肉,就有一啲逊色了!肉质比较嚡,而猪皮上面嘅猪毛佢只系烧干净,但系忘记咗皮入边仲会有毛发嘅根,所以其实佢应该系用钳掹干净而唔系就咁烧干净就算数,不过个汁系好味嘅。
讲到黄鳝,佢有两个选择一个系用韭黄炒,另外一个就系黑椒蒜头,我哋就选择咗黑椒蒜头,因为比较特别!喺出边冇咁容易食到!果然冇选择错!佢个黑椒爆香到一个点系你夹起旧黄鳝肉摆入口𠮶一刻即刻会有黑椒嘅香味渗出嚟,然后先至到蒜头嘅香味,而鳝肉自己本身亦都好有弹性好新鲜!汁酱亦都做得唔错。唔会太甜或者太咸,味道亦都唔会太浓!所以呢个系一个好出色嘅菜!
到最后讲甜品,绿豆糕果然系非常之古早味,外皮嘅绿豆蓉亦都唔会好干,系微湿润嘅!食落口之后好顺喉唔会成口都系粉咁!另外一个南瓜嘅糕点就比较普通,唔系唔好食,不过就系普通味道!冇乜特别!所以如果讲甜品我会推介绿豆糕多啲!
食物质素系高嘅!当然亦都有可以再改善嘅地方,但系第一次嘅体验亦都系满意嘅!
尤其是服务,所有服务员都好亲切好贴心!上菜嘅时候会好细心咁同你讲解每一道菜嘅食法同埋材料,呢个系值得赞嘅一个地方!
小笼包
282 浏览
1 赞好
0 留言
醉鸽
267 浏览
1 赞好
0 留言
酒糟四宝
255 浏览
1 赞好
0 留言
萝卜白鲫鱼汤(需预留)
257 浏览
1 赞好
0 留言
扎五花肉
246 浏览
1 赞好
0 留言
黑椒蒜头黄鳝
209 浏览
1 赞好
0 留言
绿豆糕
256 浏览
1 赞好
0 留言
南瓜糕
434 浏览
1 赞好
0 留言
张贴