利小館 (已結業)

同屋企人食饭唔使择日嘅，只不过有D食店其实又要有藉口先会入去食，就好似呢间咁……首先要讲嘅系，佢可以用WeChat落单，有95折，用银联咭找数再95折，如果你仲系楼上或隔离屋院住，有住户咭再9折。哈哈!讲番食! 事关佢碟碟都细细碟，所以可以叫多几款𩠌试下。阿妈话已经冇乜边度有白云凤爪食，所以佢一见到呢度有就第一时间话要叫黎食。跟住有砂窝云吞鸡，云吞皮好滑，个汤好甜，旧鸡煲完都仲有D味，唔会好"鞋"。虾酱芥兰炒爽肉D虾酱炒得唔多均匀，有D 好咸有D就啱未，所谓爽肉系猪颈肉，坚系爽。梨山酱汁排骨煲个酱都几"杰"身，少少甜味但唔腻，反而我觉得D猪肉偏瘦，料头除左有姜葱蒜仲有2旧薯仔。金蒜干贝蛋白炒饭炒得几爽身，饭粒粒分明，食到底个碟冇油，几好。铁板风味比目鱼粒好好味，佢首先煎香咗嚿鱼，再加番个汁，香口又好味。椒盐鱿鱼须唔觉有椒盐，个炸粉浆系松身𠮶只，唔系脆硬果只，只食到鱿鱼本身嘅爽同甜。芒果布甸D芒果味好浓，都算滑。栗蓉西米焗布甸，估佢唔倒又几好食㖞，栗蓉食食下都会食得到栗子粒，唔系超甜果只， 热辣辣，正!杨枝甘露又系超多芒果肉，唔错!最美中不足嘅系叫左七味豆腐点知话卖晒，冇得食。