ADO洋食屋 (已結業)

今日放工6:48去到，赶到最后一张店外Bar枱，之后既朋友就大排长龙啦。坐外面傍晚好多蚊，最好带定蚊怕水避一避。喜出望外系吧枱可以望到厨师煮蛋包饭，见到厨师攞住筷子起势咁发，真系好认真。个蛋包好松软，切落去轻轻一拨就开咗个完美蛋包。牛肉酱汁都好好味。个西炒饭入面有红萝卜碎同蘑菇好有口感，虽然茄汁酸味略嫌重少少，但系食落好开胃。汉堡扒难得食到牛肉味😋，点酱汁同饭一齐食，食到最后都唔觉楼漏。另外，欣赏个椰菜沙律，椰菜丝超级幼细捞埋芝麻酱食一啲椰菜苦味都冇。卖相唔系100分，不过欣赏料够入味，打开件炸鸡仲好肉汁。整体来讲，除咗唔排队或者迟嚟要有排等，同埋叫咗嘢食都要等四五个字之外，食物质素同环境都好似返咗乡下咁。大家要你真系要夹啱时间。