滿記甜品 (已結業)

读书果阵入亲西贡，必定要去排队等位食满记！但而家唔洗lu，因为满记开咗十几间分店，唔洗再山长水远走入西贡食。不过西贡嘅总店系设有榴梿区同非榴梿区，啱晒我呢d怕榴梿味嘅人。因为朋友航班系晚上，朝早上完大帽山饮茶，下午仲有时间，可以近近地去荃湾shopping。行过满记果阵，见朋友女儿心心眼咁望住，对佢嚟讲台湾嘅糖水只有芋圆、雪花冰，港式糖水对佢嚟讲确系几新奇，于是就同佢入去试下!杨枝甘露满记最出名嘅系芒果同榴梿，榴梿我唔啱，所以我必食芒果类甜品，今日简单食个经典港式糖水。据说杨枝甘露系1984年喺利苑酒家首先出现，当年利苑准备喺新加坡开设第一间海外分店「利苑餐厅」，为咗因应当地全年炎热潮湿嘅东南亚气候，于是名厨黄永帜将原本炖制嘅甜品改良成为一种冻食嘅消暑甜品，就系杨枝甘露!满记嘅杨枝甘露材料包括沙田柚、芒果、西米、鲜奶油同糖水。柚子拆成肉，芒果打成汁同切粒，与西米及糖水拌匀。口感滑润，清甜爽口，无论饭前饭后食，一样咁滋味!醉心榴梿两大球榴梿蓉+云尼拿沙冰，十分足料！ 我坐对面都闻到果阵榴梿味!朋友话榴梿香浓好似食紧成旧榴梿肉咁，配埋下面嘅云尼拿沙冰，冻冻地甜甜地，好好味!佢仲叫我试……