影片
更多
2013-06-14
16 浏览
经过呢间餐厅无十次都有八次，但系每次唔知点解唔系赶时间约左人、就系门口要排队等位，一直都无缘一试。喺爱车如命既友人安排下，终于可以黎到呢间Fiat Caffe与香车美食一聚。餐厅位于铜锣湾礼顿中心地下，喺路口已经见到醒晨「Fiat」logo，一定唔会揾唔到。同waiter倾开先知原来呢度系由Swire Hotel负责管理，应该够晒质素保证！餐厅唔算好大，基本上一眼睇晒，除左用餐区之外，亦都摆左几部佢地品牌既show car喺度，如果有兴趣重可以同show room 既驻场sales即场倾添...经waiter介绍，我地叫左illy Crema (左)同埋 Italian Smooch (右)。店员特别指出佢地喺illy order左部特制既机返黎造出沙冰既效果。杯野入口时有D似「许X山」既捞野感觉，无一般沙冰入口时「鞋sap sap」既feel。至于杯Smooch同一般Mocktail分别不大，但系由于落左香叶既关系有一股好清新既气味，不过D冰就好似大粒左少少，饮落肚既content应该唔够个杯既2/3。火炙吞拿鱼、椰菜花、杏仁、榛子油、柠檬︰吞拿鱼刚刚洽到好处，一D over左既感觉
餐厅位于铜锣湾礼顿中心地下，喺路口已经见到醒晨「Fiat」logo，一定唔会揾唔到。同waiter倾开先知原来呢度系由Swire Hotel负责管理，应该够晒质素保证！餐厅唔算好大，基本上一眼睇晒，除左用餐区之外，亦都摆左几部佢地品牌既show car喺度，如果有兴趣重可以同show room 既驻场sales即场倾添...
经waiter介绍，我地叫左illy Crema (左)同埋 Italian Smooch (右)。店员特别指出佢地喺illy order左部特制既机返黎造出沙冰既效果。杯野入口时有D似「许X山」既捞野感觉，无一般沙冰入口时「鞋sap sap」既feel。至于杯Smooch同一般Mocktail分别不大，但系由于落左香叶既关系有一股好清新既气味，不过D冰就好似大粒左少少，饮落肚既content应该唔够个杯既2/3。
火炙吞拿鱼、椰菜花、杏仁、榛子油、柠檬︰吞拿鱼刚刚洽到好处，一D over左既感觉都冇，同面包糠十分之夹。厨师只系喺吞拿鱼表面「辣一辣」，名乎其实系「火炙」，目的都系想保存鱼既鲜味。再加上杏仁同榛子油既香味，令到鱼既味道更突出。
鱿鱼、柠檬、水瓜柳︰唔知系咪之前道菜已经有D「酸酸mei mei」，所以再食既时候觉得D柠檬味太抢，太过酸。鱿鱼既口感比较「un」，刚食落肚既时候好似有少少overcooked，但系当食左几啖之后柠檬汁同鱿鱼既chemical reaction令到鱿鱼既味道更出，或者呢个可能就系个Chef既原意啦！
羊芝士意粉︰呢个大路到唔大路既carbonara，用左goat cheese代替一般芝士，令到个意粉既味道更加抢。特别要提一提佢个sauce，口感creamy之余更有点入口即溶既感觉。虽然碟野好似唔系好大咁，但系食左几啖之后已经开始有少少heavy既感觉，普通人如果一个人「独食」的话一定食唔晒！
柠檬烧鸡、百里香、白豆、芝士薯蓉︰只鸡坦白讲有少少「鞋」，我相信系同鸡本身既品种同埋传统意式烹煮手法有关。Anyway, lemon taste既味道好特别，能够令我暂时忘却本身肉质不足之处。另外薯蓉加左芝士之后个香味更加突出，亦都令到入口时既感觉更加软滑，不过我估一定好高卡路里！
（左）香桃、云呢拿忌廉、杏仁杯: 喺peach上面放左一层cream with almond，坦白讲简单到唔简单，你同我喺屋企都可以整到，但系桃既鲜味同cream既milky smell摆埋一齐会令到成杯野更香更滑，软腍腍咁个口感超正！（右）意式雪糕特浓咖啡: 呢个dessert基本上系gelato + espresso+ cream既mix。坦白讲，无乜特别，但唯一要赞既系个coffee既味道好香好出，但同D cream摆埋一齐就略为有少少唔够夹，令后者既香味俾前者遮住。
同场加映︰$799,888既Espresso连 Abarth 695 Tributo Ferrari
最后想讲张枱实在太细喇，二人枱个size连两个麦记捧餐既盘都摆唔落。幸好waiter收野速度好快，如果唔系一定食得好唔舒服！
题外话/补充资料：
今次有少少over ordered 左，下次两个人再有机会去的话食一个dessert己经够晒喇！
(以上食记乃用户个人意见 , 并不代表OpenRice之观点。)
张贴
