火山燒 (已結業)

买左火山焼coupon (168+10%) , 其实都唔算太平但就好揾笨, 食5:00-7:00, 食物种类算多，但系我地好似无咩食过落肚，因为不论烧炉同火锅炉都系唔够热（其实系等你冇时间烧咁多），最后以为换个gas可以好D都系差唔多，整整下已经无咗一个钟...6:15已经同你讲last order 最后落单，我地就叫多D啦！不过个火慢到好似烤多士咁! 点会食得晒呀！我地只好多放乌东面落火锅炉等佢快熟d，小朋友先有饱肚感😔😔服务都好一般，由我打去问可唔可以即日买coupon即日用佢话可以，但到现场个负责人又话唔得㖞劲串，后来又有个服务员又话佢有听我电话讲过话可以用，真系唔多开胃. 食物质素真系好麻麻，牛肉无牛肉味，粟米无甜味，鸡肶菇有d梅...仲有好多麻麻既食物，总之好失望，唔知系咪我地用coupon 所以食物质素就系咁...我地已经尽量烧但系个炉有问题，系咪可以比多少少时间食埋d野，最后佢都系坚持7:00一定要还台，服务员仲企系你前边等你起身劲收理啲碟，根本就无咩人等，我地食净好多野，好浪费又肚饿😭😭我临走仲要手揸住包朱古力雪糕冻冰冰含住过口离开 ，我觉得点解要食到咁赶头赶命😭😭好惨