天仁茗茶 (已結業)

夜晚食完饭同朋友吹水吹到口干，总会想饮野！天仁吃茶趣（即系天仁茗茶）系的确第一时间念起！点解钟意饮依间嘅嘢饮呢？因为佢嘅台式饮品，总系与别不同！因为佢嘅茶类好多，而且佢嘅茶出面好难揾到！呢间希慎店嘅天仁茗茶系我遇过嘅分店黎讲，最多人手嘅，当然人龙都好多啦！当初知所以知有呢一间天仁茗茶，系因为去诚品先知有呢间，所以都有少少难揾咖！排队嘅时候，除咗倾计，都可以睇下佢卖嘅商品！佢嘅茶类都几多咖，价钱可以接受，钟意饮茶嘅都可以去睇下！排到去收钱位，就可以睇到有咩饮，平时我中意饮913茶王、菊花普洱茶同山茶花红茶，始终食饱饭先饮会解滞d，但冻饮总系冒会太浓嘅风险，热饮最揾稳！但大热天时，热饮又解唔到暑、所以今次我简左饮果茶系列嘅饮品！今次，我同友人简咗珍珠奶茶同埋香橙绿茶。友人说天仁茗茶嘅珍珠奶茶突别好饮，我饮咗一啖，都觉得好香！而我嘅香橙绿茶，橙味比较出，食到粒粒果肉，又有小小绿茶嘅回味，整体黎讲甜甜地，冇纯橙汁甘寡！以我另外饮过嘅茶类饮品：913茶王：味道甘醇。菊花普洱茶：菊味较少，茶味香浓。山茶花红茶：味道香而浓郁。整体黎讲，我都推荐大家试下天仁茗茶咖