俺の割烹 (已易手) 新餐厅

數數下今日應該係第五次嚟食飯，喺度食飯絕對唔平，都係嗰句，中環食日本野係咁嘅價。之前不嬲都好爆，立食都企好多人，點解今日1點都仲有得walk in🤔午市定食優惠又幾抵，無奈今日一點先嚟冇得揀..好似轉左menu，但都大同小異嘅，有生野食嘅一定$200+我冇乜印象之前個沙律係點，但今日呢個好似咁麻麻地嘅？嗌左呢個天婦羅烏冬定食，豆腐同蒸蛋都非常滑，天婦羅同烏冬都只係普普通通...其實之前都試過幾多野，對呢度印象一直都好好，先翻兜咁多次（始終唔平）夜晚個menu係勁多野食，食蟹食牛都好正，樣樣試少少都飽到不得了，雖然兩個人都食左兩千蚊😅如今重臨，何以覺得唔再特別？本來中環食日本野呢間都係我頭幾位，但當最愛都唔再吸引嘅時候，原來都幾感傷。