影片
更多
2017-11-10
149 浏览
其实木嘴对于打边炉系OK既，因为求其掉晒D料落个煲度一滚就搞掂，无需左谂右谂食乜，果种自由奔放既感觉对于木嘴呢个有选择困难，又对食物无要求既骑呢人黎讲系至关重要。之但系，打边炉就试得多，今次受朋友推介，试食呢个芝士加鸡煲呢个地狱组合，就真系第一次。坐底望望个餐牌，原来有好多锅底可以拣，除左鸡煲仲有其他特色打边炉汤底同埋烤鱼，全部都系$138任食，都几抵玩㖞。但今次黎既目的系食麻辣芝士鸡煲（要加$10），所以都无乜理其他锅底就落单喇。呢度仲有个自助小食bar，有鱼蛋呀青瓜果D，成个feel就好似去左深圳东门咁。而当我望望用黎拎野食既碗，更加确信自己返左大陆...基本上所有碗仔都系劲污糟既，唔系有渍就系成只碗黄咁咁，木嘴真系企左喺度拣左好耐先揾到个望落干净既。如果有阁下有洁癖，建议阁下自备湿纸巾抹一抹先，唔系真系totally no mood to eat。不过唔计只碗，佢个自助小食bar D野确系几好食既。等左一阵，个芝士鸡煲终于黎。呢个煲超多芝士，每旧鸡都劲重芝士味，加上D鸡个皮仲脆脆地又辣辣地，食头果几旧系觉得几好食，甚至惊死蚀底同朋友斗快夹走D鸡惊俾对方食晒。但食多几旧之后开始愈食
坐底望望个餐牌，原来有好多锅底可以拣，除左鸡煲仲有其他特色打边炉汤底同埋烤鱼，全部都系$138任食，都几抵玩㖞。但今次黎既目的系食麻辣芝士鸡煲（要加$10），所以都无乜理其他锅底就落单喇。
呢度仲有个自助小食bar，有鱼蛋呀青瓜果D，成个feel就好似去左深圳东门咁。而当我望望用黎拎野食既碗，更加确信自己返左大陆...基本上所有碗仔都系劲污糟既，唔系有渍就系成只碗黄咁咁，木嘴真系企左喺度拣左好耐先揾到个望落干净既。如果有阁下有洁癖，建议阁下自备湿纸巾抹一抹先，唔系真系totally no mood to eat。不过唔计只碗，佢个自助小食bar D野确系几好食既。
等左一阵，个芝士鸡煲终于黎。呢个煲超多芝士，每旧鸡都劲重芝士味，加上D鸡个皮仲脆脆地又辣辣地，食头果几旧系觉得几好食，甚至惊死蚀底同朋友斗快夹走D鸡惊俾对方食晒。但食多几旧之后开始愈食愈腻，慢慢有D顶唔顺阵味，未食哂啲鸡就举手投降拿拿林加汤打边炉算。
百几蚊任食有咁多野拣都几良心，我就叫左黑毛猪肉，木耳，青口，云舌等等既配料，木嘴不嬲对食物无乜要求，食得饱就得，呢度仲要系任食，理应系木嘴嘅天堂，但当芝士加上佢个无乜味既汤底之后，硬系觉得阵味怪怪地，食得唔系好舒畅。
其实D配料几好食，但如果可以比我再拣，我唔会再拣芝士，因为实在系太腻，严重影响之后既食欲。但如果阁下系芝士中毒者或者系靠注射芝士维生既，木嘴都可以建议阁下一试既。
张贴
