鳳城酒家

营业中

休息中

心挂挂饮茶想叹下一盅两件，去到凤城酒家北角分店食午餐，当然试吓招牌菜，炸子鸡同虾多士啦。炸子鸡 🐓5/5我哋人多可以叫一只炸子鸡，虽然300蚊只都几贵，但佢都几大只够份量，鸡皮炸到脆卜卜，可以咬到索索声😳，唔会有肥脂肪痴住鸡肉，鸡肉嫩滑，肉汁鲜甜，水分十足😋😋。就算鸡胸位都唔会干柴🤤🤤🤤！可见功力十足，就算我哋10几人，我哋每个人都食到几件鸡，系够分的🥴。虾多士 🍤🍞3.5/5听人讲又攞奖又出名又招牌菜咁，我哋就按人头每人一只啦，原来4只起就每只30蚊，12人就20蚊只咁计🤑。上菜摆盘好令，成朵花🌼盛放咁精致。炸到脆卜卜既多士上面有只开边虾同虾胶，相信用虾胶黐住只虾，等佢炸嘅时候唔会走位🤔。但我觉得多士比较干同埋比较油腻，食一件就够。地点:位于渣华道，德成记隔离，属于楼上铺，马路出边通常都摆满晒车。环境:旧式茶楼设计，行楼梯上舖，餐厅门口太细，容易塞满人，但入边环境都几宽阔，平日午餐坐满人。价钱:每人150蚊，整体性价比几好🫣。服务:落漏咗单，有啲点心冇送到嚟，同埋佢哋出现混乱，重复咗几笼点心送过嚟，但系好彩佢哋即时发现冇计我哋。