岩盤牛扒ミディアムレア ステーキ (Mikiki)

营业中

休息中

今次黎到新蒲岗Mikiki呢边锯扒，位置都方便，系一田超市隔离。入店点餐已经流哂口水，因为望到好多牛肉，有肉眼，西冷，牛柳，牛板腱，和牛肉眼，后腰三角肉，见到咁多肉都好难拣。呢次我拣左西冷，嗌左300g，望到店员切左块西冷再磅一磅佢，感觉良好。嗌餐方面，我拣左洋葱汁，之后拣左沙律，温泉蛋，同埋汽水。到拎餐个阵，我无比兴奋，因为块扒系大过块铁板，啲肉吱吱作响嘅声音系好令人食指大动。事不宜迟，我开始切啲西冷先，真系切到好多旧，同埋里面都够熟，最令我惊讶系啲筋都好好食，好咬劲，而且好有西冷个种苏味，呢种苏味我完全接受到。温泉蛋同沙律都好掂，最紧要系锯扒有可乐，罐装可乐好滴骰但好够饮。呢间店系值得我再黎食，因为真系可以享受到锯扒同最佳状态咁食块扒。