ABC Kitchen

营业中

休息中

之前睇Youtube见到有人推介ABC，所以一直都好想黎试。今次适逢系记念日，二话不说就打电话黎订台！ABC佢为一间西餐厅，竟然坐立系熟食市场入面，十分有gimmick。而且皇后街呢个熟食市场亦相对干净企理，除咗本地人之外，亦不少外国人同游客帮衬。一坐低职员就问你要唔要点杯酒，然后介绍左呢枝岩女仔又易入口既Moscato，味道偏甜，个人非常喜欢。精选生蚝 (市价)今次头盘点左职员介绍既法国生蚝，生蚝好新鲜，而且海水味浓，唔错！龙虾汤 $98味道浓郁，入面有几块龙虾肉，够睇头亦十分美味。香煎鹅肝配苹果酱 $138鹅肝好大一块，外脆内软，配上面包同苹果酱，酸酸甜甜，亦可以剔咗鹅肝嘅腥味，必点！西班牙乳猪配薯蓉及酸什菜 $218乳猪皮烤得好香脆，入面嘅肉质幼嫩，配上薯蓉同酸菜，减少油腻感。顶级肉眼配发豆及长薯仔 $338牛扒叫左5成熟，虽然今次火喉稍微过咗少少，但本身个调味同肉味都岩口味，所以唔太影响。金万利香橙疏乎厘 $68最后甜品点左疏乎厘，即叫即整，制作需时。疏乎厘做到空气感，有种棉密泡泡系口中化开既口感。入面亦有橙皮，所以好香橙味。