夏茶 (已結業)

试过元朗几间饮料店，只有夏茶会回访。开业一段时间，运作顺畅，已经唔需要等好耐。周日亦都只有数人等候，之前试过两次，都系茶类，一直好想试雪沙系列。餐牌更新了，供应果茶、多多、奶茶、雪沙、淳茶，芝士奶盖都有几款口味，包括海盐、抹茶、草莓、Oreo，颇特别，定价$22-38，可加配金珠、芋头、芝士等，选择多。芝士蜜桃雪沙 $38芝士水果雪沙价格最高，有草莓、蜜桃、菠萝，杯身较高，奶盖层比例上好似唔多，但其实奶盖做得浓稠，太厚反而腻。钟意佢地嘅奶盖有明显芝士味，好似卡夫芝士咁，纯沙冰无茶底，密度高，奶盖会跟随雪沙一同向下沉，所以一直都会饮到芝味。蜜桃味重，冇茶狼嘅咁清新。里面亦无果肉，性价比唔算高。沙冰打得细滑，凉阵阵，不过整体偏甜，胜在够大杯。饮过三次含奶盖嘅产品，质素都一样，系元朗区我唯一会回访嘅饮料店