糖宮甜品專門店 (金巴利道)

营业中

休息中

尖沙咀依间「糖宫甜品专门店」有好多时令当造嘅榴梿甜品，仲有唔同嘅糖水、甜品等等。即制酥皮榴梿卷伴榴梿雪糕（单点$62），表面铺有朱古力酱、糖粉，酥皮口感薄脆，但因为一用叉拮就会碎，加上比较薄身，唔系类似千层酥皮，所以存在感比较低，D24榴梿因为系热食嘅关系，所以不论系甜味定系香味都比冻食嘅更加突出，内有海绵蛋糕，口感松软，配以榴梿雪糕食用，冰火交融。榴梿飘香（单点$52），D24榴梿食落啖啖肉，榴梿雪糕口感幼滑，榴梿甘露口感稠身，内有西米露，三重榴梿滋味白雪（单点$45），芒果食落好Juicy，味道香甜，绿茶雪糕味道浓香，内有北海道奶冻，口感滑溜，奶味醇厚，小丸子口感烟韧，忌廉汁西米露份量多。大杂圆（单点$40），芋圆、紫薯圆、地瓜圆口感Q弹，内有馅料，花生汤圆外皮口感软糯，内有大量花生粒，食落好香口，芝麻汤圆味道浓郁，略嫌姜茶糖水姜味淡香。