川館 (大王東街)

营业中

休息中

今日去大王东街终于俾我买到驰名蛋挞，难得咁高兴，就顺道去埋对面嘅川馆食个酸菜鱼庆祝吓。呢度嘅烤鱼套餐非常抵食，有烤鱼、蔬菜同广岛蚝，咁丰富都只系$368。烤鱼有麻辣、酸菜、蒜香、麻香青花椒四款口味可供选择。我哋第一次食，就觉得酸菜同烤鱼味道系最夹。烤鱼味道甘香，鱼肉仍然保持鲜滑，吸咗酸菜嘅味道，更加越食越开胃。广岛蚝每只都相当饱满，放入酸菜鱼吸收味道，完全唔需要其他调味都咁好味。蔬菜拼盘包括有金菇、莴笋同娃娃菜，非常丰富。 烤鱼套餐另加$68就可以换购手切牛肉，份量相当丰富，够牛肉味之余仲好有𡁻口，绝对值得推介。另外我哋重点咗芝士豆腐，呢个就系普通打边炉嘅丸类。当然唔少得我哋至爱嘅午餐肉，香煎午餐肉当日汤底都唔怕煮烂。另外我哋分别拣咗冻柚子蜜同芒果沙冰，作一个完美嘅句号。