影片
更多
2015-02-06
6509 浏览
每次食完饭后我嘅老毛病就犯了。。。。就系我会完全想唔到可以去边，完全唔知道有咩想做，当饱到一个程度，我仲会除咗（好饱呀，好饱呀）之外几乎唔想讲其他咩野，当然，今日仲未饱到𠮶个程度 我企起深水埗地铁站已经差唔多成半个钟头了，都未知想去边，礼拜日中午wo，唔系咁早返屋企呱。。。。 突然灵机一动，啊，就好似俾雷打中差唔多，去食甜品咪得啰，我居然喺哩度荡咗咁耐 就去九龙城啦！ 先去𠮶间买件西饼食下啦！点去？ 。。。。。。。 好容易姐，坐地铁去乐富落车，行出去联合道南行，贾炳达道转左，去到目标𠮶条街右转入去，行个街口咪喺左手边啰，真系话咁快就到呀，慢慢行10几分钟都到啦～一抬头就见到间铺嘅招牌喇。1点几钟，入面已经有唔少人，我好似做贼咁快步行入去，然后尽快逼到入最里面。。。点解？ 咪因为我知道今日我居然想驶45蚊买一件西饼啰，俾老婆知道我趁佢唔系香港就做埋啲咁嘅事，一定会闹我一餐劲架喇，上次去尖沙咀海港城买咗一盒马卡龙之后佢就差唔多想爆死我了 去到饼柜边，我就好似其他饿鬼咁头向前眼金金咁望住造型各不相同嘅西饼喇～要边件好呢。。。我好快咁排除咗好似好好味嘅Green Tea Opera，同埋
点去？ 。。。。。。。 好容易姐，坐地铁去乐富落车，行出去联合道南行，贾炳达道转左，去到目标𠮶条街右转入去，行个街口咪喺左手边啰，真系话咁快就到呀，慢慢行10几分钟都到啦～一抬头就见到间铺嘅招牌喇。
1点几钟，入面已经有唔少人，我好似做贼咁快步行入去，然后尽快逼到入最里面。。。点解？ 咪因为我知道今日我居然想驶45蚊买一件西饼啰，俾老婆知道我趁佢唔系香港就做埋啲咁嘅事，一定会闹我一餐劲架喇，上次去尖沙咀海港城买咗一盒马卡龙之后佢就差唔多想爆死我了 去到饼柜边，我就好似其他饿鬼咁头向前眼金金咁望住造型各不相同嘅西饼喇～要边件好呢。。。我好快咁排除咗好似好好味嘅Green Tea Opera，同埋诱人至极嘅朱古力作品，而选中咗佢。。。【Mango Napoleon】又点解？因为我上次去咗长洲【允升甜品】食佢地嘅招牌芒果糯米糍，人面旧芒果大到吖。。。又大又淡而无味吖嘛，我咪想试下香港系唔系冇甜嘅芒果啰，点吖！唔得咩？ 咩话？点解冇影间铺入面嘅相？ 嗱系咁嘅，其实我觉得攞住部手提去帮啲食物影相系一件好奇怪嘅事，仲要喺人地间铺入面喺店员面前左影右影？需要好大嘅勇气啰，如果有只老鼠喺个饼柜入面走黎走去嘅话就唔同讲法。。。 俾完钱我就行咗去九龙城寨公园，𠮶边风景好环境优美，去𠮶边慢慢享受件西饼都算系一个唔错嘅选择，就系揾唔到一张台唔够好啰，最后终于揾到张櫈坐底喇，礼拜日好多人呀
我打开个袋，终于可以近距离咁睇下件西饼喇~ 嗯。。。。。。。点攞出黎呢？
我决定。。。一手揸住件饼身，直接攞出黎，粗鲁哩~~~
Mango Napoleon
$45
335 浏览
1 赞好
0 留言
件饼用咗三片酥饼将啲淡黄色嘅custard分为两层，下面𠮶层仲有三小件芒果呢，唔知味道点呢，应该点食好呢。。。等我想想。。。。。。好，想好喇，有三片酥饼，就分开三部分食啦~从顶开始啦，我左手托住件饼，右手就唔客气喇 O(∩_∩)O~，轻轻地。。。一野就将个顶拆咗落黎喇 仲黏住少少custard，慢慢咁移到咀边，咬落去。。。嗯。。。custard幼幼滑滑的，甜味中等，淡淡地甜，酥饼几酥的，简单嘅饼香，少少custard，两者加埋一齐，感觉唔错啊~~~
望住剩返嘅部分，哩下靠技术喇，要用啲阴力，我要一拉之下，将下层嘅custard都带起部分，哩片酥饼夹喺中间，就系为咗我地食嘅时候要食到上下都带custard嘅感觉嘅姐~ 。。。。黎。。。嘿嘿，得喇~ 咬咬。。。嗯。。。哩层嘅酥饼嘅纤维比最上层嘅紧致一啲，饼味感觉上亦浓少少，配合上多啲啲嘅custard。。。OK啊~
终于到最后嘅一层喇。。。芒果亦喺哩层度，精髓所在啊~ 但心入面突然泛起一种奇怪嘅感觉。。。件饼好似黏住咗块卡纸底。。。唔系好似，唔止黏住，系直情黏实块卡纸底呀~~~ 我用力将佢地拉开。。。得喇。。。呵呵。。。。原来系整饼师傅故意用咗啲透明嘅野将件饼紧紧咁黏住张卡纸啊，几安全稳阵吖，真系好贴心嘅设计~
底卡纸
117 浏览
0 赞好
0 留言
试试最后一层先，一口咬落去，嗯，最硬嘅一层 当然饼味亦系最浓啦，纤维密成咁，当然要同芒果带custard一齐食啦，Ok啦~ 芒果够甜，但唔系话好甜，同淡淡地甜嘅custard好配合。
俾我感觉最大嘅系芒果，完全唔会过甜，同成件饼好夹，如果用咗另一只甜啲嘅芒果嘅话，我就唔会俾个笑脸佢喇~
哩件西饼三层各有不同口感，食落亦有不同感觉，custard幼滑，饼香，芒果微甜，俾我一种总厨想做出一种尽善尽美，完美无瑕，无可挑剔嘅感觉，佢非常成功咁作出咗心目中想要嘅感觉，谢谢喇
张贴
