119韓國站 (已結業)

今天晚上去左个防空洞食饭, 一睇就知个场几有韩国国民风味, 一点也不离地, 绝不走 fancy 路线。入去第一个感觉系排排坐等空军司令分配食物，好有韩国地下街的感觉。 两个女仔 半份鐡铲空军芝士烤鸡。果然明符其实, 真系成个铁铲上碟! 我即刻联想到一支好勤力的军队去开垦土壤, 努力卫国, 好有团结一心的正能量(下删1000 字) 。咁有gimmick 的铖鐡铲其实装住d咩? 入面铺满哂mozzarella 芝士，放系电磁炉上面 '兴住' , 令芝士溶化，变得香软黏绵。芝士入面裹住嫩滑多汁的烤鸡件, 重有辣酱和香料腌制而成。我忍唔住问老板系咪落左蜜糖, 佢话当然唔系,只系酱汁调得好，微甜间隐隐渗出一丝辣味，感觉特别。当将d芝士慢慢拉起, 真系见到丝般的效果! 全件鸡放入口, 食到好多层次之余，给你味蕾前所未有的震撼! 加上洋葱同其他配料, 真系好缤纷热闹! 重有呢个烧肉生菜包。这就是包肉的有机生菜，看起来好翠绿! 上碟的烧肉已烧好了,全块上但如果想细细块入口, 亦可自行用较剪cut 细d。然后将生菜涂上韩式辣味噌，夹上泡菜卷埋旧烧肉一齐食, 有肉汁有油但绝不油腻!