影片
更多
2015-09-16
990 浏览
三友又再出动揾食，今次黎到凤小姐主场西营盘！系地铁站第二街出口，五分钟内就会到seoulmate cafe! 但意想唔到系，西营盘都几多特色餐厅，装修好精致，感觉好惬意！有机会一定要黎啤啤佢！讲返seoulmate先, 黎到门口时有点出乎我意料，因门面很细，枱櫈都好迷你，好似小人国咁，哈！店内大概有10个位左右，但原来店后面仲有露天雅坐，不过当日好热，三友决定迫埋一旧凉冷气算啦！坐左一阵，都无人拎menu 过黎，望望下先知原来自己拎！三友已经肚饿到爆破，所以好快就谂好食咩！点了：烧牛肉韩意软包（$46）泡菜香肠馅饼 （$42）紫薯多士大战亚朱妈年糕和雪糕 （$62），饮品方面我就当然要试下紫薯latte, 罗小姐点左薄菏咖啡，凤小姐就点左青梅茶！等左5分钟，泡菜香肠馅饼可以去柜台拎啦，急不及待影完相就开餐了！外层口感脆薄，味道就好似pizza 皮咁！里面夹住泡菜好开胃，但食落觉得泡菜馅唔够多，味道较淡！而且食左两块都唔觉有香肠既？会唔会切太薄所以唔觉呢？ 但总括系几好味，可以一试！唔驶好耐饮品就到啦，紫薯latte 卖相真系好靓！感觉反而好日式！将啲忌廉搞混后立刻试味！哇，好浓列的紫薯
三友又再出动揾食，今次黎到凤小姐主场西营盘！系地铁站第二街出口，五分钟内就会到seoulmate cafe! 但意想唔到系，西营盘都几多特色餐厅，装修好精致，感觉好惬意！有机会一定要黎啤啤佢！
讲返seoulmate先, 黎到门口时有点出乎我意料，因门面很细，枱櫈都好迷你，好似小人国咁，哈！店内大概有10个位左右，但原来店后面仲有露天雅坐，不过当日好热，三友决定迫埋一旧凉冷气算啦！
坐左一阵，都无人拎menu 过黎，望望下先知原来自己拎！三友已经肚饿到爆破，所以好快就谂好食咩！点了：烧牛肉韩意软包（$46）泡菜香肠馅饼 （$42）紫薯多士大战亚朱妈年糕和雪糕 （$62），饮品方面我就当然要试下紫薯latte, 罗小姐点左薄菏咖啡，凤小姐就点左青梅茶！
等左5分钟，泡菜香肠馅饼可以去柜台拎啦，急不及待影完相就开餐了！外层口感脆薄，味道就好似pizza 皮咁！里面夹住泡菜好开胃，但食落觉得泡菜馅唔够多，味道较淡！而且食左两块都唔觉有香肠既？会唔会切太薄所以唔觉呢？ 但总括系几好味，可以一试！
唔驶好耐饮品就到啦，紫薯latte 卖相真系好靓！感觉反而好日式！将啲忌廉搞混后立刻试味！哇，好浓列的紫薯直达味蕾，好香但不会太甜，可能紫薯味太浓，反而饮唔到奶味，而口感好杰，不是可解渴既饮品，似甜品多啲！但味道很好，过左两个星期依然记得佢！
饮饮下，下一味菜已经做好了！系烤牛肉韩意软包，卖相好吸引！切开三份就开动啦，可惜切开后发现牛肉只集中在前面，尾部得饭无𩠌！牛肉既肉质好硬，可能烤既时间过长，令牛肉变un! 但加上伴碟既泡菜酱，味道又唔错㖞！食完呢个软包，其实都饱左半成，因为饭量几多！
之后最期待既紫薯大战亚朱妈上场！哇！卖相好靓！云呢拿雪糕上面洒上十多粒既亚麻籽，仲有紫薯粉，颜色缤纷，好吸引！切开发现软绵绵既年糕均匀地藏在多士既中间，同紫薯蓉合二为一！急不及待将所有材料混合再放入我个大口里面！唔！好味！云呢拿味雪糕同亚麻籽系天生一对，加上紫薯既香味，两者味道好夹，唔会有其中一方被盖过味道！再加上外脆内软既多士！真系一试难忘！好想好想独占成碟！哈哈！
食完之后，感觉耳犹未尽！所以再点左烤杂谷忌廉绿茶瑞士卷 （$38）及紫薯芝士饼！两件蛋糕放埋一齐好靓！首先试左个瑞士卷，一吉落去感觉外层好硬，果然食落如预期！外层口感较硬，绿茶味淡，但加上混合左杂縠既忌廉就好好味，好清好香既杂榖味！
另外紫薯芝士饼既味道较为浓烈，紫薯同芝士味道各自都好突出，但放埋一齐感觉就唔太夹！两件蛋糕食左一半就食唔落了，眼阔肚窄系女人既特点！
眼见越来越多人等位，三友都唔好意思做位霸啦，食饱就去散下步啦！紫薯食物真系令人一试难忘，想找个时间再黎食多次！
张贴
