影片
更多
2017-02-28
334 浏览
因为住得近，返工又系呢头，所以前后都同屋企人食咗至少10餐以上，差唔多成个menu早 中 下午茶 晚都有尝试过。首先系早餐，试过BCEFGH。B餐好味，牛肉质素感觉上比新x记好，而且价钱一开始27蚊都算平，不过近排好似加咗价，连同外卖加2蚊要3字，就无再帮衬过。C餐比少过一次猪扒，候补的猪扒好柴好干，所以之后无再叫过。E餐系为咗试佢个忌廉炒蛋，味道算ok，但可能因为外卖所以蛋好老，而且底部有焦黄色，明显火候过咗小小。F餐食过鸡扒，第一次好惊艳，因为鸡扒又嫩又滑又大块，好juicy，点知今朝食第二次似系返炸过，又油又柴，非常失望。G餐非常中意，意粉唔会过淋，个汤都好浓郁，系分量少咗d，仍然推介。H餐我都中意，个肉燥味道非常啱我口味，汤底都清。下午茶都试过好多款，唔一一讲了，重点讲几个。西多士非常推介，好味兼唔太油。G餐个白咖哩汤面就真心雷，首先个面系普通公仔面，再黎个汤底我完全唔识欣赏，似系马来西亚的沙嗲mix大陆康师傅公仔面个汤包，总之我好唔中意。K餐个分量真心太少，同早餐的米粉一样，加多4块无味的茄子，觉得唔值个价钱，可能我外卖佢个盒default系咁大挂，同大家乐早餐加个米粉个分量
首先系早餐，试过BCEFGH。B餐好味，牛肉质素感觉上比新x记好，而且价钱一开始27蚊都算平，不过近排好似加咗价，连同外卖加2蚊要3字，就无再帮衬过。C餐比少过一次猪扒，候补的猪扒好柴好干，所以之后无再叫过。E餐系为咗试佢个忌廉炒蛋，味道算ok，但可能因为外卖所以蛋好老，而且底部有焦黄色，明显火候过咗小小。F餐食过鸡扒，第一次好惊艳，因为鸡扒又嫩又滑又大块，好juicy，点知今朝食第二次似系返炸过，又油又柴，非常失望。G餐非常中意，意粉唔会过淋，个汤都好浓郁，系分量少咗d，仍然推介。H餐我都中意，个肉燥味道非常啱我口味，汤底都清。
下午茶都试过好多款，唔一一讲了，重点讲几个。西多士非常推介，好味兼唔太油。G餐个白咖哩汤面就真心雷，首先个面系普通公仔面，再黎个汤底我完全唔识欣赏，似系马来西亚的沙嗲mix大陆康师傅公仔面个汤包，总之我好唔中意。K餐个分量真心太少，同早餐的米粉一样，加多4块无味的茄子，觉得唔值个价钱，可能我外卖佢个盒default系咁大挂，同大家乐早餐加个米粉个分量差唔多。反而佢个班尼迪蛋餐我好中意，个酱系即整，要等15分钟左右，蛋系溏心蛋，块包似麦记猪柳蛋堡块面包，但更加松软d。
其他d主餐都唔特别一一讲了，大部分都不过不失，但琴日食个龙俐柳饭唔掂，鱼肉劲咸，好怀疑系鱼唔新鲜要用好多盐去腌。有个蟹肉意粉我自己都麻麻，蒜味好浓，我自己唔中意太重蒜味，如果中意的朋友应该试呢个。同埋要极力推介佢地个蚬肉黑椒意粉，我觉得超好味。
总结一下，由于住得近，去食的机会都好多，有时一日三餐都会系佢度食。质素真心一般，好既时候非常好（蚬肉黑椒意粉未曾中过伏，次次都高水准），差起上黎真系成块鱼咸死你，所以平均都系一般，睇你彩数。价钱以佢个位置黎讲算系接受到，早餐人均30，lunch人均60，下午茶如果要食饱人均都要50，晚餐预70-80。呢个价钱如果撞正质素高的时候，系廉价版意大利餐厅，好抵食。但如果唔好彩就真系会偏贵。同埋每个餐外卖都要加两蚊我觉得有d贵。
张贴