影片
更多
2023-09-14
74 浏览
开心仔，今日约左好耐无见嘅朋友一齐食寿司。点左同样系厨师发办嘅“本月时令寿司并盘”($320)，眼见师傅在吧枱后开柜、拿刀、轻切，气定神闲地拿捏，终于完成十件寿司放在面前。😃听著介绍，有不少陌生嘅名字，要即刻google吓自己食咩。呢个就系厨师发办嘅好玩之处；又神秘、又新鲜。今日厨师推介嘅时令寿司系拖罗、酱油渍吞拿鱼、鲂𫚒、深海池鱼、鲛鲽、象拔蚌、连子鲷、银鳕鱼、缟虾、海胆。件件嘅颜色都靓到不得了，最钟意系鲛鲽嘅口感。鲛鲽鱼系白肉鱼中被誉为高级嘅寿司食材，含有丰富嘅胶原蛋白。入口阵鱼油味真系好香，咬落爽脆，食完一件，感觉有d唔够喉。而味道最鲜就系拖罗，脂肪有d雪花纹，鱼油脂甘香浓郁，入口即溶。鲂𫚒系我第一次食，肉质都几有弹性，味鲜甜。酱油渍吞拿鱼，刺身片厚切，非常有口感，虽然话系酱油渍，但原全无遮盖鱼香。除左鲂𫚒，缟虾都系第一次食到，平时剩系识食赤虾。缟虾虽然无赤虾咁大只，但虾身嘅纹理好靓，胀卜卜，入口清爽、清甜。海胆肥美，有淡淡嘅海水味。连子鲷嘅油份比较少，口感不油不腻。最后值得一提系寿司饭全部手捏，完全唔松散，份量亦唔大，唔会饭味盖过鱼生味，每件都食到刺身嘅鲜。呢度寿司价钱算中等，
点左同样系厨师发办嘅“本月时令寿司并盘”($320)，眼见师傅在吧枱后开柜、拿刀、轻切，气定神闲地拿捏，终于完成十件寿司放在面前。😃
听著介绍，有不少陌生嘅名字，要即刻google吓自己食咩。呢个就系厨师发办嘅好玩之处；又神秘、又新鲜。
今日厨师推介嘅时令寿司系拖罗、酱油渍吞拿鱼、鲂𫚒、深海池鱼、鲛鲽、象拔蚌、连子鲷、银鳕鱼、缟虾、海胆。
件件嘅颜色都靓到不得了，最钟意系鲛鲽嘅口感。鲛鲽鱼系白肉鱼中被誉为高级嘅寿司食材，含有丰富嘅胶原蛋白。入口阵鱼油味真系好香，咬落爽脆，食完一件，感觉有d唔够喉。
而味道最鲜就系拖罗，脂肪有d雪花纹，鱼油脂甘香浓郁，入口即溶。
鲂𫚒系我第一次食，肉质都几有弹性，味鲜甜。
酱油渍吞拿鱼，刺身片厚切，非常有口感，虽然话系酱油渍，但原全无遮盖鱼香。
除左鲂𫚒，缟虾都系第一次食到，平时剩系识食赤虾。缟虾虽然无赤虾咁大只，但虾身嘅纹理好靓，胀卜卜，入口清爽、清甜。
海胆肥美，有淡淡嘅海水味。
连子鲷嘅油份比较少，口感不油不腻。
最后值得一提系寿司饭全部手捏，完全唔松散，份量亦唔大，唔会饭味盖过鱼生味，每件都食到刺身嘅鲜。
呢度寿司价钱算中等，但呢个价钱比起喺度散叫真系抵好多，不愧系厨师推介。下次要试埋个丼期间限定二人餐先得。
张贴
