Coffee or Tea (已結業)

早排去咗位于观塘嘅"Coffee or Tea"，餐厅菜式好特别，结合茶餐厅及Cafe元素，将经典港式菜式由外到内重新包装，唔止样靓味道都好正。😊鸳鸯蛋蛋蛋治呢个蛋治真系非一般架，用齐煎、焗、蒸、煮4种烹调方法。中间夹著两款馅料，分别系又厚又软熟嘅玉子烧同焗蛋白，而上面嘅面包淋咗蛋浆，同时食到咸香嘅咸蛋黄，几有趣㖞！👍脆脆公司三文治呢个真系好好食，用炸腐皮包住蛋、火腿、芝士及蕃茄等馅料，口感非常丰富，外脆内软，加上甜甜地带少少辣味嘅酱汁，成件事好邪恶但都忍唔住食咗大半份！😋😋西炒意大利饭几喜欢佢嘅卖相，两大个原只蕃茄好可爱，一边系装住将炒好嘅意大利米形粉，另一只系装住滑蛋虾仁，酱汁酸酸甜甜好开胃，蕃茄好juicy好夹呢道菜，而蕃茄下面有啲黑色粉粒，其实系用新鲜蕃茄及黑水榄做成，配埋嚟食令味道多个层次，成个菜式无论卖相，配搭都几有新意。👍😊菠萝的海呢个甜品真系不能错过！佢其实系变奏版嘅菠萝油，外型好吸引，中间果层厚厚嘅菠萝扒真系好甜好juicy，再加上自家制菠萝果酱将佢再level up咗，而夹住菠萝嘅其实系烤焗过嘅光酥饼，非常酥脆，好好食呀！❤️❤️香橙抹茶完全无谂过橙同抹茶可以放埋一齐，