君日餐廳 (幸福商場)

营业中

休息中

老老实实，君日餐厅坐落商场楼上最入位置，地利已欠，有时都不想帮衬大集团快餐店，想支持一下小店，行入两步帮衬，但部分早餐的水准的确令街坊舍弃君日餐厅。一块鸡扒定成败，君日的鸡扒早餐卖29元，隔离大XX个餐卖26.5，但君日块鸡扒冇解冻求祈炸，成块干睁睁硬到成块干尸咁，油又多，人地大XX块早餐鸡扒肉嫩多汁又大块。楼下宾X餐厅早餐鸡扒都系炸的，但人地炸完皮是脆、入面的肉是嫩的！而且大大块，唔似得君日块疆尸鸡扒。我已经不止一次同佢地讲叫佢地改善下块鸡扒，但无用。讲真，就算个人几咁支持地区小店都好，都无理由一而再再而三虐待自己同作贱自己银包。如果唔系头两间太多人无位，都唔会行到最入帮衬君日。 如果老板真心想改善的话，朝早叫自已厨房整份鸡扒，再比较一下隔离两间餐厅的鸡扒，就明白我这个街坊每次俾机会你地然后都中伏果种感受。