影片
更多
2014-08-05
5118 浏览
虽然系第二次黎，但仍然系咁难揾啰。今晚朋友聚会 table for five，见仲未有人到就照例睇睇个 menu 先。我最钟意点菜架喇，而且今晚系我拣黎 Live House 既，谂住顺便探探谦谦，点知放假啰 ﹗又唔见阿翘㖞，Alan 同洛仔又已经无做，全场个个都唔识呢。有咩新菜式呢？同我半年前一模一样噃。今日星期二都几静吓㖞，小猫三四只，还是依家仲早呢？都七点几喇。Cocktail 唔识读添 ﹗芒果味香浓，质感幼滑，有 Ram 酒同香槟成份，满意。黑松露酱半熟蛋，好香黑松露味道，跟鸡蛋好夹，如何蛋黄再流心点点就更加正，依家都好好味，前菜正 ﹗好好味 ﹗简单又易做，半熟蛋加点芝士、黑松露酱，撒上香草掂。忌廉南瓜汤，一向唔食南瓜既我但汤免强可以接受啦，不太甜，无问题。脆脆棒，口痕攞黎点汁咬吓都好，不过我谂系用黎搣碎放入南瓜汤食既。啤酒煮青口，青口依然弹牙，无煮过火，味道带淡淡酒香，加上忌兼味道，梗系好食啦 ﹗什锦卷并盘，芝士鸡卷炸得非常脆口，咬落索索声，味道还可以，贪心一点多啲芝士更好！牛肉芦笋卷，好好味呢！估唔到牛肉嫩口软棉，唔会又鞋又硬，加上芦笋鲜甜，满意。烟肉龙脷柳卷，有创意我钟意
张贴
