曦

营业中

休息中

疫情终于受控，四月下旬晚市得以重开，舞会亦随即开放，坚有XO仔心嘅靓女舞伴即相约舞前于邻近嘅新店「㬢」叹番餐厨师发办，补祝细佬生日，认真客气！小店离炮台山地铁站不远，巴士、小巴、叮叮附近都有站，交通绝对方便。地舖木造嘅门面、鲜红色嘅布帘及光亮嘅招牌于灰墙上十分显眼。步入店子，即可见到可容纳上十人嘅寿司吧，掌舵嘅两位师傅相当好客，而且平易近人。不用花巧之装潢，木造嘅间隔足以渗出和风味。值得一提嘅就系男女共用嘅洗手间全自动模式操作，疫情下感觉尤其卫生。每位席上都摆有齐备嘅自用餐具、湿纸巾及口罩信封。桌上另有牙签及额外嘅干、湿纸巾。晚市只提供一款以店名取名嘅「㬢」厨师发办套餐（$1,800/位）。电子饮品餐牌则有一页之多。嘻嘻，酒鬼贺寿当然系要饮番两杯啦！如贵客欲自携佳酿，每樽720ml及1.8L日本清酒嘅开瓶费分别为$200及$500，价格都好合理。师傅备制鱼生前，先送上清新爽脆嘅渍物送酒酒，细心得很。为晚餐作序嘅有暖胃嘅茶碗蒸。小碗中嘅炖蛋软嫩滑溜，配料用上橙美厚弹嘅虾只、厚润嘅带子粒及幼嫩嘅松叶蟹蟹绢即倍添口感及鲜甜。头两道刺身均为组合菜。第一件师傅以爱媛县嘅真鲷切成薄片，夹入海胆后再