蓮香咖啡

营业中

休息中

知道系疫情扩散严重时期，好多人去咗长洲透下气，但因为长洲宾客人数多，造成当地居民不便，好多人都劝其他人，玩还玩，记得戴口罩，保护自己又保障他人。今次黎长洲，系要揾个朋友。究竟系长洲，有咩食物系你唔介意除低个口罩坐低食？要讲就一定系莲香咖啡份西多士同沙嗲牛肉面。我唔食牛，于是同友人叫左一份西多，一碗雪菜米同一碗沙嗲牛肉面。可惜炸鸡翼卖晒，于是叫左炸猪扒，当然唔少得杯奶茶。一件好食嘅西多，一定要外脆内软，牛油嘅咸加上蜜糖嘅甜，配上炼奶，凝结成焦糖薄脆，莲香就做到呢种如胶似漆嘅口感。猪扒虽然唔及鸡翼驰名，但莲香系呢啲二选食物都做到肉质鲜嫩而不鞋口，肉汁裹存而不油腻，可以睇得出伙记一啲都唔马虎，更令人期待下次可以食到头牌炸鸡翼。朋友话碗沙嗲牛肉面一如既往出色，肥牛厚滑，汤底香浓辣齐备，面质爽口，天作之合。杯奶茶唔使点介绍，茶胆靓，奶量适中，伙记哥哥好似健身教练咁，一睇就知系杯奶茶到落左唔少心机苦功。食饱，戴返个口罩，又回味返头先莲香咖啡，每一箸带有嘅港式味道。