MoMo Café

营业中

休息中

疫情下好多酒店自助餐都做紧优惠，呢间都唔例外，原价连加一547蚊，用openrice订座，65折后，只系每位373蚊。食物方面，选择唔多，但样样都系水准之作，所谓贵精不贵多。主打任食生蚝，鳕场蟹脚，同17款movenpick雪糕！！ 至于有啲自助餐提供嘅特色菜式如印度菜就欠奉。自助餐冷盘为主打，海鲜刺身好新鲜。热盘选择唔多，一啲唔食生冷嘢嘅长者，可能就唔系太适合啦。服务方面，侍应十分勤快，连我只骨碟都收埋，哈哈！有小朋友唔带走口罩走出去食物区，侍应生立即好言相劝，十分尽责。环境方面，装修新净，干净企理，只系洗手间有少少湿。今晚约七成满，唔算挤迫，取食物亦唔使排好耐，不过，餐厅就望唔到海景。成晚食咗两个钟，每样菜色都很好味，心满意足。