Salamat Cafe (已結業)

上星期公司聚会又去食Salamat ，菜式又唔同咗。我哋嗌左啲猪肉眼扒配烧菠萝，牛肩板腱肉，香草面包糠猪鞍架，同埋一啲小食。先上小食，秘制炸鸡翼真系好好食，好啱用送啤酒，每次嚟到都会嗌啰呢个，真系好推介！👍🏻我仲叫咗个牛肉卷，食完都觉得几特别，喺香港都真系比较少西餐厅会做呢样野。我个人呢就好钟意食𠮶个猪肉眼扒，食落去啲肉质唔会鞋，好松软得黎，又唔系落咗啲松肉粉。又Juice又好味。另外𠮶个牛肩板腱肉，食落去个牛肉味好重，好香，钟意食牛嘅都会建议去食个。不过我个人真系好推介，呢度嘅餐汤，佢唔似出边着𠮶到好稀，反而好creamy，味道亦都好浓郁，好值得去试吓。整体来讲，食咗多次佢哋都keep到啲水准，真系值得赞。