OM Tapas (已結業)

疫情之下提早庆祝圣诞节，前排就拣咗间西班牙餐厅，见到佢嘅圣诞Menu都非常吸引，好多菜式选择。西班牙点心精选一开始以为三粒都系炸薯球，切开其实内有惊喜，有虾香丸子、黑松露芝士炖饭球同传统猪肉薯球。西班牙海胆温泉蛋龙虾浓汤呢个餐汤味道非常浓郁鲜甜，加埋温泉蛋可以令口感增加层次。三重牛奏呢款主菜绝对满足到牛魔王嘅喜好，有牛骨髓、牛柳同牛尾。比平时庆祝净系锯扒更加特别，牛尾食落有惊喜，炖煮到肉质好软淋，牛味又浓。佩德罗 希梅内斯带骨黑毛猪䯃黑毛猪䯃份量十足，食落啖啖肉，伴碟既薯蓉同紫薯蓉都唔错，不过酱汁可以加多少少。海鲜西班牙饭估唔到食完主菜仲有咁大碟饭，虽然都食到几饱，不过呢个西班牙饭绝对会令你想食埋佢。饭粒有咬口，仲吸收晒海鲜嘅精华。西班牙油条可可酱 食西班牙菜总结点都唔少得一个传统嘅西班牙甜品，油条炸得香脆可口唔会油腻，点埋朱古力酱好满足。巴斯克焦香芝士蛋糕芝士蛋糕味道好浓郁，软绵绵带点湿润既口感令今晚嘅晚餐画上完美嘅句号。