波仔 (已結業)

疫情严重咗夜晚冇得堂食，回复返居家抗疫。呢啲时候一定要入返啲冷藏食物喺屋企🏡。.虽然佢唔会话特别好味道好突出，不过每盒份量都好足够而且$25-30就买到盒饭🍱，性价比相当高🤩，又够晒方便。波仔的确喺一个偷懒唔煮饭嘅选择🙌🏻。.📍清汤牛腩（$42）成包摆落热水煲热就食得，真系好方便👍🏻。分量唔算多，个汤就咁饮都几清甜😻。牛腩口感好腍，不过食落就略为淡味左啲🐂。.📍鲜茄猪扒蛋炒饭（$25）Pork Chop In Tomato Sauce With Fried Rice鲜茄汁略为唔够酸🍅，配炒饭底，猪扒表面唔系脆卜卜🙈，不过都算有一定厚度👍🏻，口感唔差，有种返到中、小学食饭盒嘅感觉🤗。 $25蚊抵食到不得了🙌🏻！.📍鸡串烧3串（$22）Chicken Satay将鸡串放入焗炉焗几分钟就食得😍，肉质软绵👍🏻，沙嗲味十足🤤，非常惹味，而且价钱合理，喺个唔错嘅小点心🍴。