武士拉麵 (已結業)

一入到小店老板已经好客气话随便坐，不过因为条例问题与其他食客要有3个坐位的距离，但小店坐位唔多就大约十个，都唔知点经营....坐低后就见到有包消毒搓手液放系枱面，老板话系免费提供，真系贴心。不过重点都系食物质素，望望下午餐牌有咩好食就见到拉面系用日本战国时代的武将命名，心谂辛辣果款可以用"真田将军拉面"嚟命名我就二话不说拣嚟一试，因为真田幸村战国时代就系一身红盔甲的象征，哈哈。所以今次叫咗碗始祖将军拉面同老板心水推介丰臣将军拉面一试，始祖将军拉面就不过不失，但听到老板同其他客人讲以前个拉面汤底原本系杰身D，但见到好多OL食剩所以就改到而家稀身咗，我谂我会钟意佢哋以前个汤底多D，而我自己碗丰臣将军拉面就系香葱油汤底，略嫌葱唔够多，如果多啲就仲香仲合我心意。店内仲有几款特制鱼油提升鲜味,都可以一试。整体而言，拉面就不过不失，不过就价钱合理、老板份人几nice，希望疫情快D过，小店可以挨得过尼个难关啦。