幸匠燒 (海運大廈)

营业中

休息中

星期日朋友生日，谂住食得特别啲，就去咗海港城「幸匠烧」。环境：⭐️⭐️⭐️⭐️食物：⭐️⭐️⭐️⭐️服务：⭐️⭐️⭐️性价比：⭐️⭐️⭐️环境真系冇得输嘅。如果钟意假日行吓商场、买吓嘢，又想食饭睇到海景，「幸匠烧」真系冇得输。不过最好预先喺 Open Rice 订咗位，mark 定靓枱。🍷二人份刺身盛：食材新鲜、厚度啱啱好，唔会寒酸。拖罗油脂刚刚好；小编唔系好食吞拿鱼，都忍唔住夹咗几钱，谂番起都几唔好意思。🙏😅叫咗两个午市套餐。沙律 okay，反而钟意食上面啲鱼仔。天妇罗套餐蔬菜好新鲜，外层皮够脆、干身，可惜虾天妇罗争啲，肉唔够厚实，冇咗海鲜天妇罗嘢应有质感。串烧套餐唔会整到太咸，呢度食到食材有嘅原味，唔似香港好多日式餐厅落手太重，失咗味道。虽然配菜唔多，但几有特色。食日本嘢唔一定要饮 sake，饮两转 Highball，日本 feel 即刻返哂嚟。「幸匠烧」职员服务可以，服务唔会影响到食嘢心情，其实已经好好。😍😍 套餐太约300元多啲，同食物、环境成正比，okay 嘅。至于性价比 ⋯⋯ 去得海港城食饭，唔会考虑性价比。如果想享受优闲半天，好难同金公挂钩 — 特别系朋友生日。😅🕵️🕵️对住个海，心情靓番哂😍。