南駅 (已結業)

𠮶晚去到筲箕湾东大街觅食，行到嚟呢间Fusion餐厅，几个月前经过仲见到里面人山人海，似乎较为可靠，于是就帮衬买咗两个套餐。我地点咗一份海南鸡饭，有汤送。另一份系鳗鱼糯米饭，因为知道糯米饭难消化，而且我地唔太钟意，所以就请店员改成白饭。店员细心帮我地整理好外卖俾我地拎走。海南鸡嫰滑，油饭好香，仲有三款酱（蒜蓉酱、酸辣酱和甜豉油）俾我地点。个汤我地估应该系鸡汤，冇乜味道，但系就有一旧好大嘅云耳。鳗鱼饭啲鳗鱼都系好嫰滑，酱汁唔太咸，可以食出鳗鱼嘅味道。喺海滨公园一路睇夜景一路食晚饭，疫情下的小确幸。