影片
更多
2022-01-15
22 浏览
最近疫情严重，为咗唔想喺隔离营渡过农历新年，最近都唔敢外出堂食。今日趁著嚟观塘海滨长廊郊游，一于试下海旁嘅la pizza express。La pizza express 系一间外卖小店，疫情稳定期间，都会有枱櫈放出嚟比客人买完嘢食之后坐低食，但系因为最近疫情严重，我哋唯有买去海旁啲长凳度享受户外用餐风味。对于外卖小店来讲，呢度食物嘅选择都算多，有Pizza，沙律，小食，三文治，同埋各式各样嘅饮品。我哋叫咗一个Pizza，一个沙律，一个小食，同埋两款饮品share食。藜麦毛茄沙律：呢个沙律都算几大份，毛茄食落爽口，配上藜麦，粟米粒同沙律菜，食落好有口感，感觉非常清新。最欣赏嘅系小店将麻酱分开上，怕肥嘅女仕就可以适量地加入沙律里面，减低内疚感。素牛肉芝士薄饼：店铺叫la pizza express, ，又点可以唔试吓佢哋嘅Pizza呀 ？呢度除咗有几款特制Pizza之外，仲可以自选配料同酱汁，四款配料只系需要$48 ，更可以加多$20 要三文鱼，素牛肉，大虾等等。Pizza 系即叫即整，拎到海旁开餐时仲系热辣辣，批底有丰富嘅面粉香味，批边非常香脆，内里烟韧。配料方面，素牛肉同平时食到嘅
La pizza express 系一间外卖小店，疫情稳定期间，都会有枱櫈放出嚟比客人买完嘢食之后坐低食，但系因为最近疫情严重，我哋唯有买去海旁啲长凳度享受户外用餐风味。对于外卖小店来讲，呢度食物嘅选择都算多，有Pizza，沙律，小食，三文治，同埋各式各样嘅饮品。
我哋叫咗一个Pizza，一个沙律，一个小食，同埋两款饮品share食。
藜麦毛茄沙律：呢个沙律都算几大份，毛茄食落爽口，配上藜麦，粟米粒同沙律菜，食落好有口感，感觉非常清新。
最欣赏嘅系小店将麻酱分开上，怕肥嘅女仕就可以适量地加入沙律里面，减低内疚感。
素牛肉芝士薄饼：店铺叫la pizza express, ，又点可以唔试吓佢哋嘅Pizza呀 ？呢度除咗有几款特制Pizza之外，仲可以自选配料同酱汁，四款配料只系需要$48 ，更可以加多$20 要三文鱼，素牛肉，大虾等等。
Pizza 系即叫即整，拎到海旁开餐时仲系热辣辣，批底有丰富嘅面粉香味，批边非常香脆，内里烟韧。
配料方面，素牛肉同平时食到嘅牛肉口感及味道差别唔大，感觉无咁肥腻，配上香浓嘅蕃茄酱，入口咸中带酸，非常开胃。
芝士薯条：粗薯条即叫即炸，入口既新鲜又香脆，好欣赏佢芝士酱分开上，咁薯条就冇咁容易变淋。香脆嘅薯条点上香浓嘅芝士酱，简直系人间美食。
热情果富士苹果茉莉花茶/护肤天使：Bless 呢个品牌嘅果汁听过好多次，但系一直冇机会试。
热情果苹果茶苹果味亦相当香浓，非常解渴，而护肤天使有菠萝、雪梨及青柠，而当中菠萝味比较突出，入口酸酸甜甜。
我哋就喺呢个风和日丽嘅日子，食住Pizza，饮住果汁，喺海旁渡过一个悠闲嘅下午。
张贴
