影片
更多
2020-05-04
1981 浏览
之前都想去试下呢间社企架啦，今次有个「理由」到访一下啦。疫情+限聚令对餐饮业影响好大，都预左佢唔会好多客人，不过估唔到原来今晚得我地一枱客！无啦啦包左场！（惊喜一）讲返下个环境，装修同情调都唔错，背景播放轻快音乐，令人放松。侍应带我地就坐后，斟完水就俾个餐牌俾我地睇啦⋯⋯！！！做紧特别优惠！！！5 course menu 半价！！(惊喜二）真系难以置信！两个前菜，一个汤，一个主菜同一个甜品。后地另外叫左两杯cocktail- classic margarita 上菜前有面包，配三种酱（橄榄，蕃茄+蒜，有盐牛油），面包香脆，我最钟意蕃茄+蒜既酱，又香又开胃！（食完仲会问你够唔够）第一个前菜：蓝鳍三文鱼他他薄薄一片，装饰精致可见大厨心思，味道唔错第二个前菜：温泉蛋配鲜虾配灯笼椒酱整个很爽口，虾有鲜味，蛋汁又香，配搭得宜，几开胃汤：龙虾汤浓而不腻主菜一（我的）：西班牙栗饲猪扒配菠萝蓉汁拌时菜熟度控制得几好，有肉汁唔会鞋，但如果表面再煎香啲就更好主菜二（他的）：龙虾意大利饭龙虾煮得刚好，又鲜味意大利饭虽然不是正宗的有硬芯（因应香港人口味调整口感），但中间的炒洋葱、白酒、芝士都真材实料，令人回味
疫情+限聚令对餐饮业影响好大，都预左佢唔会好多客人，不过估唔到原来今晚得我地一枱客！无啦啦包左场！（惊喜一）
讲返下个环境，装修同情调都唔错，背景播放轻快音乐，令人放松。
侍应带我地就坐后，斟完水就俾个餐牌俾我地睇啦⋯⋯！！！做紧特别优惠！！！5 course menu 半价！！(惊喜二）真系难以置信！
两个前菜，一个汤，一个主菜同一个甜品。
后地另外叫左两杯cocktail- classic margarita
上菜前有面包，配三种酱（橄榄，蕃茄+蒜，有盐牛油），面包香脆，我最钟意蕃茄+蒜既酱，又香又开胃！
（食完仲会问你够唔够）
第一个前菜：蓝鳍三文鱼他他
薄薄一片，装饰精致可见大厨心思，味道唔错
第二个前菜：温泉蛋配鲜虾配灯笼椒酱
整个很爽口，虾有鲜味，蛋汁又香，配搭得宜，几开胃
汤：龙虾汤
浓而不腻
主菜一（我的）：西班牙栗饲猪扒配菠萝蓉汁拌时菜
熟度控制得几好，有肉汁唔会鞋，但如果表面再煎香啲就更好
主菜二（他的）：龙虾意大利饭
龙虾煮得刚好，又鲜味
意大利饭虽然不是正宗的有硬芯（因应香港人口味调整口感），但中间的炒洋葱、白酒、芝士都真材实料，令人回味无穷！佢仲加左龙虾汤落去煮，鲜味倍增！
甜品：芝士蛋糕配蓝莓酱+朱古力蛋糕
芝士蛋糕唔太甜都唔腻，几好
朱古力蛋糕都唔太甜，仲有好香冧酒味
张贴
