影片
更多
2022-02-03
748 浏览
事隔冇耐，又带狗狗再嚟Hola揾食，不过，今次真系失望。首先，一入餐厅，发现原本宽敞的户外区竟然放咗好多台櫈，台櫈数量差唔多系之前的一倍有多，通道变窄。大家养狗都知，宠物之间都需要有社交距离架，有啲狗狗好容易紧张，见到同类会吠，甚至袭击。Hola话晒系元朗区宠物友善餐厅之一，而家搞到环境咁挤拥，对宠物真系唔理想。于是，我向店员提出想好似上次咁坐餐厅入面，但对方一口拒绝话唔得..... 我唔明，点解上次得，今次就唔得呢？最后，就只能坐外面啦。今次点咗Big Breakfast、菠菜大啡菇意大利饭同埋冻朱古力。Big Breakfast一如以往，份量大，食物种类多，食完十分满足。因为早餐多蔬菜，所以人狗都可以分尝。菠菜大啡菇意大利饭应该系餐厅的招牌菜之一，我见餐厅都挂啲佢既食物推介照片，于是就点嚟试试。不过期望越大，失望越大。意大利饭的颜色系几靓，青绿色，睇落好开胃。但系只大啡菇较细粒，呢个饭主要就系得只菇点缀，所以而家睇落冇乜睇头。不过，食几啖后，我发觉最大问题都唔系只菇，而系啲饭。意大利饭应该有少少米芯，而我碟饭直头有少少「烂」，虽然软棉棉的饭可能比较适合一般香港人的胃口，但就真系失色
首先，一入餐厅，发现原本宽敞的户外区竟然放咗好多台櫈，台櫈数量差唔多系之前的一倍有多，通道变窄。大家养狗都知，宠物之间都需要有社交距离架，有啲狗狗好容易紧张，见到同类会吠，甚至袭击。Hola话晒系元朗区宠物友善餐厅之一，而家搞到环境咁挤拥，对宠物真系唔理想。于是，我向店员提出想好似上次咁坐餐厅入面，但对方一口拒绝话唔得..... 我唔明，点解上次得，今次就唔得呢？最后，就只能坐外面啦。
今次点咗Big Breakfast、菠菜大啡菇意大利饭同埋冻朱古力。
Big Breakfast一如以往，份量大，食物种类多，食完十分满足。因为早餐多蔬菜，所以人狗都可以分尝。
Big Breakfast
$1
17 浏览
0 赞好
0 留言
菠菜大啡菇意大利饭应该系餐厅的招牌菜之一，我见餐厅都挂啲佢既食物推介照片，于是就点嚟试试。不过期望越大，失望越大。意大利饭的颜色系几靓，青绿色，睇落好开胃。但系只大啡菇较细粒，呢个饭主要就系得只菇点缀，所以而家睇落冇乜睇头。不过，食几啖后，我发觉最大问题都唔系只菇，而系啲饭。意大利饭应该有少少米芯，而我碟饭直头有少少「烂」，虽然软棉棉的饭可能比较适合一般香港人的胃口，但就真系失色。而饭中的菠菜汁酱亦唔impressive，令人失望。
菠菜大啡菇意大利饭
$88
18 浏览
0 赞好
0 留言
呢度啲饮品无论卖相同味道都几好，而冻朱古力亦有一般的水平。
冻朱古力
$38
53 浏览
0 赞好
0 留言
最后，我想提番啲台櫈。由于店员唔准我哋坐餐厅里面，所以我哋就同狗狗坐咗出面。冇几耐，有食客带住2只比较壮硕的唐狗嚟食嘢，想坐喺我哋隔离张台。其实2张台的通道只有约一只手臂的距离，亦俾我哋放咗狗狗的宠物手推车。两只狗见到我的狗狗已有少少攻击性，又吠又想向前扑，要2个主人拉住，而我只狗狗亦容易紧张，因为冇位走，于是狗狗就冲动跳车（跳出宠物车），成只跌咗出嚟，擦损个嘴流血。当时有啲食客目击，都戥我哋紧张。而本来想坐低的食客就唯有转去另一张台。我觉得今次系几唔愉快的人狗用餐经验，餐厅喺疫情下仲额外要放咁多台櫈出嚟，就抗疫而言，已经系反其道而行，亦令狗狗之间失去私人空间~~咁样真系宠物友善吗？
张贴
