影片
更多
2024-10-06
2037 浏览
疫情前黎食过好多次，lunch dinner都食过，觉得佢好多选择，值番个价，又好味。谂起好耐冇去食就琴日去食佢个lunch buffet啦，大佬呀你话哂都海逸旗下，系咪要做到咁cheap呀？比较值钱既已经系生蚝同蟹脚，同埋movenpick 啰，冇架喇。好彩我早鸟优惠买咋，唔系仲倒蚀得西利呀！以前有既时日糖水，好靓既烧鹅烧鸭，花胶，炖汤，鲍鱼，牛仔骨，全。部。都。冇！生蚝中低等美国货色，一d蚝味都冇！烧味得叉烧同鸡！我不嬲食buffet唔会食呢d烧味，咁系选择多既大前提下啰，琴日冇野食度我只能系咁食叉烧咋！以前仲有成个counter既印度咖哩同鲜烤薄饼，而家变左做四川麻辣野！咩水煮肥牛呀回锅肉，系要奶到咁尽咩？唔做埋小龙虾？佢地最中意㖞！最眼突系我竟然系酒店buffet见到一个饭煲兴住煲咖哩猪皮鱼蛋！仲有周街都有既章鱼烧，同埋街市冻肉铺同超市廿几30令蚊一大袋既急冻日式鸡串！你以为佢起码整个汁丫，有，冇味既汁，d鸡串唔知雪左几耐，冇味架！茶包得两款twinnings 茶包，奇怪既薄荷叶味同最鸡果只english breakfast，中式茶包系劲平既陆羽香片！超市十令蚊盒廿几个果d！唔
比较值钱既已经系生蚝同蟹脚，同埋movenpick 啰，冇架喇。好彩我早鸟优惠买咋，唔系仲倒蚀得西利呀！
以前有既时日糖水，好靓既烧鹅烧鸭，花胶，炖汤，鲍鱼，牛仔骨，全。部。都。冇！
生蚝中低等美国货色，一d蚝味都冇！烧味得叉烧同鸡！我不嬲食buffet唔会食呢d烧味，咁系选择多既大前提下啰，琴日冇野食度我只能系咁食叉烧咋！
以前仲有成个counter既印度咖哩同鲜烤薄饼，而家变左做四川麻辣野！咩水煮肥牛呀回锅肉，系要奶到咁尽咩？唔做埋小龙虾？佢地最中意㖞！
最眼突系我竟然系酒店buffet见到一个饭煲兴住煲咖哩猪皮鱼蛋！仲有周街都有既章鱼烧，同埋街市冻肉铺同超市廿几30令蚊一大袋既急冻日式鸡串！你以为佢起码整个汁丫，有，冇味既汁，d鸡串唔知雪左几耐，冇味架！
茶包得两款twinnings 茶包，奇怪既薄荷叶味同最鸡果只english breakfast，中式茶包系劲平既陆羽香片！超市十令蚊盒廿几个果d！唔系咁侮辱人嘛？
周末午市自助餐
$688
96 浏览
0 赞好
0 留言
个熟青口系麻辣架！个pizza 都系辣架！其实系咪写漏左个自助餐系四川主题呀？
个美国骨系冇肉食架！唐扬炸鸡都系急冻料咋！
生蚝冇蚝味又细又瘦！
冻海鲜得蟹脚，冻虾同两款唔同大细既青口！
螺都冇只！细青口仲劲多海草垃圾！
西冷劲咸！
仲要有cheap cheap章鱼烧！
以前movenpick系雪柜一杯杯自己攞，而家玩配给不比你！
甜品叫做搭救番啦，个限量梳乎厘几好食，好香蛋味，蛋糕都几好，有自助凉粉食，都多配料，不过木桶豆花系冰冻既。而佢系唔会有标示架。
有即煎pancake同好细既葡挞仔食添，不过pancake唔系煎完即刻摆落只碟度比你食，系煎完放入摆葡挞仔个柜度，有人要就攞比佢，所以系唔热架！
不过全部都唔系咩值得番票价既野！
同场加映有个大喊唔停两粒钟既细路女，同埋两个因为唔见单而边行边闹交既职员！而且佢人手好唔够，切西冷果个阿姐要同时过隔离档度煮粉面比人食！
我都反省自己，唔通我比好平既价钱所以得到咁既野咩？
我食放题平佢百令蚊都有羊架牛舌海虾海胆鲍鱼花胶龙虾呢d食丫！都系任食！
系呀，而家羊架都冇得食架酒店自助餐！
疫情对佢打击真系大到咁咩？咁咪唔好做自助餐啰！差过以前不得只，根本系cheap！
唔系泰式辣就川辣，咁你一系就话明系麻辣主题啦！
张贴
