北京老家 (已結業)

5月中嘅一个happy friday。放工后同食友去咗北京老家开餐，佢有三家分店，呢间系尖沙咀，商业大厦上面，位置比较难揾。食7点几，当日都好多人，我哋叫咗个8人超值套餐，2千几蚊。有三碟冷盘，全部都好味嘅，麻辣肚丝比较辣，但好野味。餐有6个主菜，酸菜鱼，北京填鸭一只，草捆牛骨，香辣鸡丁，官保大虾，京烧排骨架。仲有一个上汤浸菜，北京水饺，高力豆沙。北京填鸭一只，系好大只，夹皮都好薄，份量好多，鸭皮下块肉仲好厚，啱喜欢食肉唔食皮嘅我😆。酸菜雨唔辣，酸味够，汤好鲜，鱼都好滑，唔系鱼片系成条鱼切同包理鱼架上，不过冇乜鱼骨，好好，仲有啲酸菜和薯粉系底。觉得最好食系草捆牛骨，牛骨系大大只牛肋骨，目测有1kg以上，炆得好林，肉味浓，官保大虾原来系炸虾，炸皮太厚，味道系同咕噜肉差唔多，再甜少少。香辣鸡丁，鸡丁真系好小小粒，好辣下，同太干，比个朋友话呢个菜就系咁，我哋食剩好多。京烧排骨又系每人一只，味道似甜叉烧金沙骨，呢个又系比较普通，但系好食嘅。仲有一个清汤浸时菜，一份12粒水饺同8大大粒高力豆沙球，我哋食到好饱。呢个餐二千几蚊，真系超级抵。最后仲叫多个拔丝士多啤梨，一碟有8粒，大家都好满足。