牛牛台式鴛鴦火鍋

营业中

休息中

呢个疫症时候，出街食野真系要小心揾，又怕佢唔够干净，又怕佢太多人聚集。 呢间之前食过， 食物质素虽然唔系顶级，但款式味道都足够。疫情下，餐厅都依足要求加晒板，中间一排唔坐， 咁样大家仲坐得舒服。今次叫咗杏汁汤同台式臭豆腐汤底， 杏汁就唔太推荐。甜品柜转咗个雪柜， 大家唔驶超大力先拎到， 同埋够晒冻。 大家记得食豆腐花凉返个喉咙。今次有失望既地方，冇咗鸭血，得猪红，韮菜饺佢然用紧厚皮冇味， 之前好好味架。 我地最惨前面个枱两位中年亚叔， 一路食， 一路用手机赛马直播，另一边又有两位亚叔开party， 不停讲，系有埋高过人头既板隔住都听晒，可知道佢地有几大噪音。 真希望大家都留意一下， 附近有人食烟会好辛苦，附近既人食饭好嘈，都一样咁辛苦。