刈Bao台式創意小食 (已結業)

偶尔喺IG见到葵广呢一间「刈Bao台式创意小食」，急不及待想揾日去会一会佢🤤 今日一食真系不得了，真系觉得食左嘅每一样都好好食👍🏻👍🏻 之后经开葵芳一定要再食，亦都推介经常去葵广揾食嘅朋友去呀～～💛💛1️⃣ 古早味腩肉刈包台式嘅刈包，同以前喺日本食过嘅角煮馒头好相似，都系白馒头夹住卤左嘅肉～ 个腩肉好腍好入味，调味一啲都唔会过咸。而且加左啲菜脯、花生碎等等，食落真系唔会觉得油腻🙆🏻‍♀️🙆🏻‍♀️2️⃣ 综合5号 (盐酥鸡，香芋地瓜球)盐酥鸡炸粉好薄，调味得宜，食起上黎唔油身👍🏻 香芋地瓜球，见到menu写住「甜过你初恋」🤣🤣 系甜嘅，而且仲唔系死甜、假甜！😋3️⃣ 柠檬冬瓜茶😍😍 饮左第一啖，真系当堂叮左一声！通常冬瓜茶都系好甜，呢杯唔会，可能系因为加左柠檬🍋 饮落系酸酸甜甜，配合得好好，无话边个味道override左另一样👍🏻 而且个冬瓜茶仲系舖头自己煲，所以仲会饮到啲冬瓜肉添～