影片
更多
2014-05-22
4315 浏览
17-5-2014 (Sat)同男友o系沙田香港文化博物馆睇完宫崎骏动画手稿展后好攰,但要揾o野食,唔想去附近o既新城市广场同名城商场帮趁o个啲连锁店,咁呢o度又其实o系沙田同大围之间,不如行去大围食特别o野.于是边行边上open rice search,search到呢间,于是摸索条路行o黎,揾到喇,时间尚早大约7:00pm,好彩都有张两人枱,张枱好明显系加建,因为摆o系鱼缸前,通往厨房同洗手间o既通道.我o地拣啲招牌菜煎封酿豆腐,男友就问我食唔食柚皮?因佢知我自从o系得龙食过苦涩柚皮后就惊o左,(o个个食评: http://www.openrice.com/restaurant/commentdetail.htm?commentid=2086362&tc=sr2rvw&con=rvwer) 不过都就佢啦,佢就决定要柚皮扣鹅掌.我o地再继续谂,有个大叔就上前俾意见喇,话梗系要食招牌菜椒盐海中虾啦,又话我o地食3个𩠌够o架喇.男友问佢呢个几钱?我问系时价吧.大叔答系,28.啊,咁就要埋呢个啦.之后我o地睇返所有o野o既价钱, 煎封酿豆腐$95.00, 柚皮扣鹅掌$220.00,好贵.好
我o地拣啲招牌菜煎封酿豆腐,男友就问我食唔食柚皮?因佢知我自从o系得龙食过苦涩柚皮后就惊o左,(o个个食评: http://www.openrice.com/restaurant/commentdetail.htm?commentid=2086362&tc=sr2rvw&con=rvwer) 不过都就佢啦,佢就决定要柚皮扣鹅掌.我o地再继续谂,有个大叔就上前俾意见喇,话梗系要食招牌菜椒盐海中虾啦,又话我o地食3个𩠌够o架喇.男友问佢呢个几钱?我问系时价吧.大叔答系,28.啊,咁就要埋呢个啦.
之后我o地睇返所有o野o既价钱, 煎封酿豆腐$95.00, 柚皮扣鹅掌$220.00,好贵.
好快, 煎封酿豆腐到o黎,
一碟有8件大大件,影好相食得,豆腐表面全部都煎脆o左,面上o个粒唔系猪肉原来系虾肉,
豆腐唔系太滑,淋返甜豉油食就好味.然后椒盐海中虾到o黎,
中虾大大只但唔大碟,睇到几干身唔油腻,冇多余o既椒盐,食落,味道o岩o岩好唔太咸,好味,亦冇盖过虾o既味道,但美中不足之处系,虾肉唔系爽口弹牙同冇乜镬气.最后柚皮扣鹅掌到o黎,
份量都系少,两片柚皮望落去有啲似鲍片,鹅掌大概有5,6只,
先食柚皮,柚皮腍晒冇渣,
味道有少少甘,但冇上次得龙食o既咁甘,不过我都系食唔晒一件,俾男友食.而鹅掌炆到好腍,汁亦浓郁,呢个都好食o既.上埋柚皮扣鹅掌后,男友都嘟一个白饭share食,我就黐少少,饭o既软硬适中,冇问题.
食完后,男友话要食糖水,佢想要芝麻糊,我就话睇menu有咩o野甜品,咁佢就问大叔攞o黎睇,无意中睇到茶芥$16.00一位,我就想要同花生糊同一价钱,$35.00o既合桃糊.
决定o左就叫大叔,佢o既反应好好笑,系即刻O咀,真系O咀,然后话睇睇有冇先.之后返o黎同我o地讲冇呢啲,只有送俾我o地o既红豆沙,重话要食甜品去后面街好过,大把多.哈哈,佢好老实呀!
之后两碗红豆沙到o黎,
食落,红豆够腍有啲沙,不过唔够甜,食到少少苦味,系果皮o既苦味,我终于明白大叔点解叫我o地去后面街食 .但男友觉得好食,想问可唔可以送多碗.服务:
净系睇上面就觉得好搅笑,而其实由行入o黎开始,佢o地o既服务都唔差,唔会叫极唔应,态度又好.
环境:
系几十年前o既装修,应该同醉琼楼同一年代,我谂呢o度系自置物业,否则o系系咁加租下,呢啲旧店点会重做得住?
卫生:我只杯仍有上手o既唇膏渍,但toilet虽然系旧,却又干净又大.
结论:
好老实虽然o野食环境同服务唔差,但埋单要$667.00就觉得唔值收呢个价,咁贵,o系出面系可以食得更好.
每样𩠌o既味道都系4.7分,白饭同红豆沙就唔计啦.
张贴
