瘋狂小面 (佳德商業大廈)

营业中

休息中

餐厅：疯狂小面地点：中环士丹利街楼上餐馆菜式：川菜餐牌：主打小面（即系传统重庆小面），餐牌基本上就系三款组合既面餐，面+饮品 $87面+饮品+小吃／甜品 $98面+饮品+小吃+甜品 $109另设加一。饮品同小吃都可以加钱升级。另外可以再加料。面可以拣干捞面或者汤面，同埋麻度同辣度。自己剔纸落单。番茄牛肉面 首先饮啖番茄汤，汤底超正，带有天然番茄甜味，食到番茄肉。番茄配葱花同香茜好夹！餐牌写明呢度用新鲜水面，非油炸或挂面，又真系食得出，好健康。d面都唔会话太软身或一pat pat，分量足，配番茄汤好正！另有5块超薄切牛肉，非常重卤水味，配番茄汤刚好！仲有3条菜心苗。我另外加左款料。大排 加$21 另加一呢个价钱有4件大排，整得颇淋，软骨完全可以食，都有唔少肉食，同牛肉一样，非常重卤水味。热柠水唔洗加钱饮品有4款，简单叫左热柠水，热柠水有两片柠檬，够酸。