瘋狂小面 (佳德商業大廈)

营业中

休息中

餐厅：疯狂小面地点：中环士丹利街楼上餐馆菜式：川菜餐牌：主打小面（即系传统重庆小面），餐牌基本上就系三款组合既面餐，有三个价钱$87/$98/$109，另设加一，分别系面+饮品/面+饮品+小吃或者甜品/面+饮品+小吃+甜品。饮品同小吃都可以加钱升级。另外可以再加料。面可以拣干捞面或者汤面，同埋麻度同辣度。自己剔纸落单。番茄牛肉面 首先，饮一口番茄汤，汤底超正，带有天然番茄甜味。另有5块超薄切牛肉，仲有3条菜心苗，上面加左大量青葱同香茜，系非常健康既一碗面。餐牌写明呢度用新鲜水面，非油炸或挂面，又真系食得出，好健康。d面都唔会话太软身或一pat pat。加左两款料。牛肉 加$15 另加一呢个价钱有3粒牛肉粒。牛肉粒带牛筋，好嫩口。呢个唔错。大排 加$21 另加一呢个价钱有3条大排，即系猪排骨。都整得好腍，仲有软骨食。所有肉都有浓浓卤水味，本身已经够咸。冻成都老冰粉 （跟餐）冻成都老冰粉系一碗大大碗啫喱，食落清凉少甜，面头撒上少少黑白芝麻粒，花生米，提子干，同山楂饼碎。可以清清味蕾。热罗汉果冬瓜茶（跟餐） 热罗汉果冬瓜茶主要系罗汉果味，唔过甜。总括而言，今餐个面的确唔错。