1830s Macaron (已結業)

疯狂扫街第二站逛到嚟呢间舖, 我最钟意就系马卡龙, 喺杂志, 网上都见过有介绍马卡龙雪糕, 一直都好想试, 见到呢到既马卡龙雪糕, 卖相真系好靓, 价钱都系$38, 大公司PAUL LAFAYET既马卡龙细件都要十几蚊, 呢到又大件, 好似一件西饼SIZE咁大, 仲要有埋画花㖞,  心理上觉得都抵既, 所以一定要试下, 好多款公仔图拣, 拣咗坏蛋呢款, 而雪糕有好多种口味, 荔枝, 云呢拿, 益力多, 抹茶, 士多啤梨, 芒果, 朱古力, 曲奇, 最后我拣咗益力多味雪糕, 我想试啲特别啲既口咪, 配料可以加2款, 我拣咗棉花糖, 男店员好好, 话棉花糖加彩色碎糖影相会更加突出同靓, 最后听咗佢讲, 之后影相店员都有教我点摆影个马卡龙会靓啲, 制成品真系睇得又食得, 店员话要食咗个马卡龙先, 之后先再食雪糕, 马卡龙入口唔系脆口既, 咬落少少淋淋地, 但有烟韧既口感, 益力多雪糕入口好浓益力多味, 雪糕带点烟韧口感, 似系自家制作, 整体上呢件马卡龙雪糕真系物超所值, $38真系唔算太贵, 食完后系会令人难以忘怀既感觉, 下次经开一定会再帮衬