火鍋煮場 (已結業)

100支德国啤酒$100真是一个疯狂的啤酒优惠，因为D Friend都钟意饮，所以拣呢间深水埗火锅店打边炉。齐人前叫个炸鱼片头食住等，一边饮$100 100支德国啤。今晚都算系咁，饮咗8支。叫咗条象拔蚌，纽西兰嘅，$880算系价钱合理，上次唔记得喺边间食过平D嘅不过系南美洲象拔蚌完全唔掂，虽然系平不过唔好食所以有D浪费。牛肉就拣咗安格斯牛小排，几靓几好食，牛肉味都几出。新鲜鲍鱼$68一只都系合理价钱，size算大而且都几新鲜，食得出海鲜的鲜甜味。呢间野有两款鸡子，一款系农场鸡子，另一款系新鲜鸡子，我地叫咗新鲜鸡子睇吓有几新鲜，黎到先知道新鲜鸡子细粒好多，而我地平时食开大粒𠮶只原来系火鸡鸡子。呢只细细粒，味道都OK。